Dardhë, Kryeministrin e ke mbrapa!
nga Agim Popoci
“Rrugës dikush ose disa këpusin dhe dardha për t’u futur në shportë pas shpinës time, punën nuk e kanë me mua, por me drejtësinë!” Ishte kjo deklarata epike e Edi Ramës ndërsa filloi t’i binte piramida e vjedhjeve të kësaj qeverisje me një kujdes të shquar të Prokurorisë së Posaçme, ku çdo kush në këtë botën shqiptare mund të arrestohet me përjashtim të Kryeministrit të Himarës, Shkodrës dhe gjithë Shqipërisë!
Si u këputën këto dardha pa dijeninë e Edi Ramës ndërsa ai vazhdon dhe qëndron nën dardhë, nuk e ka të qartë njeri, por, shqiptarët si njerëz me durim të çeliktë që janë dhe një optimizëm të rrallë që i karakterizon, duke pasur më shumë besim te dardha se sa te Kryeministri i tyre, mendojnë se zgjidhjen do ta gjejnë tek ajo që bashkëjetojnë me shekuj, fjala: Dardha e ka bishtin mbrapa!
Dhe, derisa pasuria shqiptare çdo ditë vazhdon e vidhet nga kjo qeveri e paaftë dhe rezulton se edhe Bashkia Tiranë me në krye Lali Erin po bënë kërdinë, popullit liridashës shqiptarë iu tha se kohë më parë disa pastiçerë të njohur, duke e pranuar se dardha vërtetë e ka bishtin mbrapa, kishin arritur majat e tyre profesionale, dhe, sot, kur gatuhet dardha i haet edhe bishti!
Tani halli bëhet shumë më serioz në shtetin që ka krijuar Edi Rama pavarësisht se çfarë thotë vetë dhe pse kapardiset si njeri stoik me deklarata të mëdha mbi drejtësinë!
Idiotizmin e tij e tradhton jo Amerika me të cilën mburret dhe e korrupton, por, Franca, aty ku ka rrëfyer se ka jetuar si emigrant ndërsa ish-shefi i tij thotë se ka vjedhur ikona dhe i ka shitur!
Meqë shteti që ka krijuar nuk është një model i cili ka pikë nga qielli, rrugëtimin e krijimit të këtij lloj shteti e ka sqaruar shumë kohë më parë mendimtari politik francez, Charles de Montesquieu, dhe ngjanë si dy pika uji edhe me korrupsionin e Qeverisë Rama, i cili, thotë filozofi francez, pothuajse gjithmonë fillon me parime!
Në veprën e tij “Mbi frymën e ligjit”, duke marrë dhe Romën si shembull, Charles de Montesquieu e dëshmon se bota nuk qeveriset nga rastësia por ekzistojnë shkaqet fizike dhe morale, që veprojnë në çdo shtet, për ta rritur, mbajtur ose shkatërruar, dhe në të gjitha këto raste, ka shkaqe!
Ndërsa propozon sistemin politik ku pushtetet janë të ndara, legjislativ, ekzekutiv dhe gjyqësor si themel i demokracisë qytetare, që ishte zbatuar së pari në Kushtetutën e SHBA, ndërkohë identifikon tre lloje të qeverisjes, republikën, monarkinë dhe despotizmin, thotë se dallojnë nga parimet dhe natyra e pushtetit.
Natyra e pushtetit, thotë Montesquieu, reflekton formën e qeverisjes dhe përcakton shtrirjen ku pranohen të drejtat politike të popullsisë që variojnë nga ajo se kush është sovran: në republikë pushteti i takon ose të gjithëve – demokracia, ose një pjese të popullsisë – aristokracia; në monarki sovraniteti formësohet në personalitetin e sunduesit; e despotizmi është forma ku sundon individi pa ligj dhe kufizim në përputhje me vullnetin e tij të çuditshëm!
Këtu ndaloi dhe Edi Rama, për të sunduar si individ, pa ligj dhe në përputhje me vullnetin e tij që kurrë normal nuk ka qenë! Por, si do realizohet!
Normalisht për këtë nuk u kujdes Belinda Balluku, Ermonela Felaj ose largëqoftë Baton Haxhiu, por, sërish Montesquieu sqaron se parimi i pushtetit është ajo që lëviz qeverisjen, që e bënë shoqërinë harmonike, këto janë shenjat e brendshme të njerëzve dhe përpjekjet e tyre që të arrijnë një rend të pranueshëm moral në formë të shtetit që jetojnë, p.sh. mornarkisë e cila mbështetet në nderin e mbështetësve, despotizmi në frikën e mbështetësve, ndërsa virtyti qytetar është parim i republikës, që nuk do të thotë se ekziston vetëm nëse këtë virtyt e kanë qytetarët e saj.
Pa e tepruar se Edi Rama me besnikëri e ka ndjekur studimin e Montesquieu edhe kur thotë se ekzistojnë shkaqe të jashtme që ndikojnë në qeverisje, ku veçon mjedisin, fenë, traditat dhe marrëdhëniet mes tyre, dhe se nga këto mund të krijohet edhe fryma e popullit, ndërsa me rendin shtetëror të nxit ose ndaloj përparimin e kombit, sepse nuk ka aq aftësi as mendore as të punës ekipore, zhvillimet e fundit në Bashkinë Tiranë tregojnë se pse pjesë nga e Drejta Romake ai e inkorporoi në qeverisjen e tij!
Me të kuptuar se juristët romak ishin praktik dhe jo teoricientë ndërsa kishin dhe Praetorin si mekanizëm ligjor i cili mundëson që drejtësinë ta harmonizojnë me situatën e krijuar edhe pse nuk janë jurist, Edi Rama u bind se me shumë lehtësi do ta çonte deri në fund edhe Reformën në Drejtësi.
Pse Edi Rama jep leje që njerëzit e tij dhe jo vetëm të shkojnë në gjykatë, pse ai jep verdiktin për raste të caktuara dhe pse ai gjithmonë rezulton i pafajshëm, Altin Dumani nuk ka pse qahet në KLP! Le ta lexon të Drejtën Romake dhe kompetencat e Praetorit! Dhe jo vetëm kaq!
Nëse është i habitur me sjelljet e Kryetarit të Bashkisë Tiranë, Erion Veliaj, dhe drejtësia e re nuk i jep të drejtën të urdhëroi prokurorët, kreu i SPAK bënë mirë të shfletoj ca nga radhët e Drejtës Romake për të kuptuar se Lali Erin nuk e shpiku Edi Rama, por, e kopjoi si Praetor Urbanus!
Shqiptarët bezdisen kur Lali Eri si papagall vazhdon e përsërit Saliu, Xeni, Argita ose 21 Janari, Gërdeci dhe Stadiumi Dinamo, por, Praetor Urbanus është ai që Edi Rama i ka dhënë kompetenca në gjyqet civile për të dhënë mendimin juridik dhe të ndaloi ato akte që mendon se dëmtojnë Romën, më falni, Tiranën desha me thanë!
Sot ai reagoi edhe për drejtorët e arrestuar, por, asgjë e tepruar nga ana e tij kur kompetenca e Praetorit është të bëjë gjyqin edhe kur preket lartëmadhëria, shpërdorohet paraja publike, helmimi dhe vrasja!
Ç’lidhje ka me sjelljen e protestuesve mund të ketë pyetur veten ndonjëherë Drejtori i Policisë ose dhe vetë mileti, por Praetor Urbanus e ka këtë kompetencë, ashtu si dhe për shkeljen e fushatës zgjedhore, kompetencë të cilën nuk po e ushtron dot më Kryetari i KQZ!
Pra, dardhë, jo bishtin por Kryeministrin e ke mbrapa! Nëse nuk e këput njeri, do të ndodhë si me Kardhiqin, dhe populli do të vazhdoj si Belinda Balluku të qëndroj mbi K…
