Darka e Lamës në Shtëpinë e të Moshuarve në Prishtinë

Darka e Lamës, që tradicionalisht organizohet në përfundim të korrave, në fund të muajit tetor, sonte u shtrua nga Presidentja e Republikës së Kosovës, Vjosa Osmani, në Shtëpinë e të Moshuarve në Prishtinë.

Në Darkën e Lamës e cila u shtrua në këtë shtëpi, në shenjë mirënjohje e respekti për banorët e Shtëpisë së të Moshuarve në Prishtinë, ishte prezent dhe Kryeministri i Republikës së Kosovës, Albin Kurti.