Dashuria me Kishën Serbe, shuan ëndrrën e Kryeministrit shqiptar të Malit Zi
Me 50 vota për dhe një kundër, Parlamenti i Malit të Zi i dha fund qeverisë së 43-të që u drejtua nga Dritan Abazoviç, i cili edhe pas rishpërndarjes së posteve për ti shpëtuar këtij fundi të turpshëm me rikonstruksionin e qeverisë, sot shkon në harresën e politikës malazeze duke u zvarritur. Pa pikë dinjiteti!
U cilësua eksperiment i keq, por koha dëshmoi se Dritan Abazoviç nuk ishte dhe shumë aksidentalisht në ditën kur u zgjodh Kryeministër i Malit të Zi sepse pak ditë më pas nxori kokën Kisha Ortodokse e Serbisë me Marrëveshjen për pronën e saj, të cilën as paraardhësi i Dritanit, ndonëse luftëtarë i instalimit të Serbisë në Mal të Zi, nuk e firmosi.
Por Dritan Abazoviç nuk daloi te Kisha Serbe, sjellë dhe pikën që derdhi kupën e aventurës së tij! Si i ftuar special, mbështet projektin serbomadh të Presidentit të Serbisë, Aleksandar Vuçiç, “Ballkani Hapur”, ndonëse Presidenti i Malit të Zi, Milo Gjukanoviç, ishte shprehur se ky projekt ka për synim zhdukjen e shteteve si Bosnje Hercegovina, Mali i Zi dhe Kosova.
Gjithsesi, sonte zhgënjeu të gjithë, si ata që e admiruan ashtu dhe ata që nuk kishin kurrfarë respekti për këtë njeri, ëndrrën e të cilit e ndërpreu ajo që shkaktoi gjakderdhje në Ballkan, shpiku Kasapin e Ballkanit, Sllobodan Millosheviç dhe e çoi në ferr, dhe në fund luajti përmes shqiptarit Dritan Abazoviç, rolin hollivuadian të paqësorit, Kisha Ortodokse e Serbisë.
Qurravitjet e delirantit
Ky mocion, tha ai, vjen pas firmosjes së Marrëveshjes bazë me Kishën Ortodokse të Serbisë, të cilën, u mundua ti bindë deputetët, se nuk e bëri për postin e Kryeministrit por për popullin dhe paqen, në veçanti popullin ortodoks.
“Nëse dikush dëshiron të bëjë shumicën me DPS-në, nuk duhet ta thërras më Urën për negociata,” tha deliranti Abazoviç i cili edhe pse e pranoi forcën e DPS dhe liderit të saj Milo Gjukanoviç edhe sot përmendi faktin se është shqiptar dhe për këtë i është drejtuar mocioni kundër tij.
Meqë ky delirant nuk e kuptoi se ishte i besueshëm nga Gjukanoviç vetëm pse ishte shqiptar dhe jo serb, ai mori rrugën e Kishës Ortodokse të Serbisë dhe sot ndonëse renditi sukseset e tij në luftën kundër krimit dhe korrupsionit, integrimit etj. bindi edhe ata që nuk kishin firmosur deri sonte ta votojnë shkarkimin e tij.
Pra, përveç DPS të Milo Gjukanoviçit, dhe SD, SDP, LP, UDSH, për shkarkimin e këtij deliranti serbomadh votuan edhe deputetët e Demokratëve, Partisë Boshnjake, E vërteta dhe Malit të Zi të Bashkuar.
