Debati mbi dëftesat/ Nikolla deklaron se ka paditur në prokurori opozitën, Vokshi: A ndiheni e turpëruar

Ministrja e Arsimit, Lindita Nikolla, deklaroi sot para Komisionit të Edukimit dhe Mjeteve të Informimit Publik se do t’i drejtohej Prokurorisë lidhur me akuzat e Partisë Demokratike mbi dëftesat e nxënësve të sistemit parauniversitar.

Nikolla u paraqit para Komisionit për të raportuar në lidhje me ligjin për Arsimin parauniversitar, ku u përballë me kritikat e forta të opozitës, mbi skandalin e denoncuar prej saj, që mbi 400 mijë nxënës nuk kishin marrë dëftesat, çka u rrezikonte vijimin e studimeve jashtë vendit.

Ndërsa i konsideroi shpifje akuzat e bëra nga PD-ja, pasi sipas saj, dhënia e dëftesave ishte në process, Nikolla tha se e ka çuar çështjen në Prokurori.

“I jam drejtuar prokurorisë për një akuzë që më është bërë publike, po kjo s’mund të jetë histori shpif shpif se diçka do të mbetet, por histori e njërëzve që po përkushtohen me shpirt. Edhe njëhërë e përsëris se nuk e dëgjuat…..”, tha Nikolla në Komisionin parlamentar.

Ndërkohë Kryetarja e këtij Komisioni, Albana Vokshi, theksoi se ne kemi shqetësimin e prindërve dhe fëmijëve që nuk i kanë marrë dëftesat dhe nuk mund të transferohen në shkolla të tjera.
“Më shpjegoni me shumë qetësi pse ne vazhdojmë të marrim mesazhe nga prindërit….”, e pzeti Vokshi, ministren e Arsimit.

Ndërkohë që në përgjigjen e saj, Nikolla tha “zonja kryetare nuk do të çuditesha nëse do ta fillonit ndryshe këtë mbledhje, sepse mungesa e etikës ju karakterizon dhe unë do të përgjigjem me Linditën etike: Do t’i shkoj deri në fund akuzave që janë bërë ndaj personit tim. Kjo është zgjidhje e një partie që ka humbur çdo kauzë. i jam përgjgijur në kohë maturantëve që u duhen çertifikatat dhe diplomat për jashtë shtetit. Ju gënjyet kur thatë se dëftesat do të shpërndahen në shtator, sepse procesi ka nisur….

Duke i treguar mesazhet që ka marrë nga prindërit lidhur me çështjen e denoncuar, Vokshi tha “ja ku thuhet se dëftesat do të shpërndahen në shtator sepse nuk kanë ardhur. Kemi mesazhet dhe u kemi hequr emrat e mësuesve që të mos u bëni keq. 420 mijë fëmijë janë pa dëftesa. Mësuesit prishën pushimet në shkelje të kontratës dhe i përcollën prapë se nuk kishte dëftesa. Nuk mund të vini këtu të kërcënoni opozitën për pazaret tuaja. Tenderin kishit dy muaj kohë që duhet ta kishit përfunduar.”

DEBATI

Vokshi-Nikollës: A ndiheni e turpëruar që keni mashtruar për dëftesat e arsimit parauniversitar? Duhet t’i kërkoni ndjesë të gjithë fëmijëve dhe prindërit për mashtrimin e bërë. Keni shpërdoruar detyrën duke mos u siguruar dëftesat në kohë.

Nikolla: Nuk kërcënoj njeri. Nuk është në etiken time. Ju sa herë që flini, keni mungesë etike. Do t’i shkoj deri në fund në organet e drejtësisë të gjitha akuzave ndaj meje. Iu jam përgjigjur të gjithë nxënësve dhe prindërve. Gënjyet kur thatë që dëftesat do shpërndahen në shtator. Ndarja e dëftesave është një proces që ka nisur. Te gjitha përgjegjësitë e mia do t’i zhvilloj në prokurori. Për ata që duan të studiojnë jashtë shteti është zgjidhur problemi.