Debati te Ligjet/Balliu sherr me Manjën: Jeni bërë palaço…

Mbledhja e Komisionit të Ligjeve është shoqëruar me debate të forta mes deputetëve të opozitës dhe mazhorancës.

Deputetet e PD e kanë nisur fjalën me denoncimin dhe qëndrimin që duhet të mbahet për çështjen Xhafaj, ndërkohë që shumica ka kërkuar vijimin e rendit të ditës.

Deputetët e PD nuk kanë lejuar vijim normal të punimeve në këtë komision, pasi sipas tyre qeveria duhet të jap shpjegime për vëllain e ministrit dhe aferat e tjera.

Deputetët e PD janë larguar nga mbledhja e komisionit, pas debateve të shumta.

Debati

Ulsi Manja: Sallën e ke në kat të dytë, bëni deklarata mbani qëndrime sa të doni

Klevis Balliu: A ka mundësi të marr fjalën unë, nuk do arrini dot të vazhdoni të mbroni cdo ministër të brendshëm të lidhur me drogën. Më shumë përgjegjësi keni ju që i mbroni se sa ata vetë

Shameti, vazhdon fjalën

Balliu: i keni bërë punimet palaço, jemi bërë palaço nga i pari te i fundit, dje mbronit Tahirin, sot e keni në arrest shtëpie…

Manja: Ke munguar këtë javë

Balliu: i keni nxjerrë te gjithë mafioze, gazetarët, opozita, ndërkohë që i keni mafiozët te partia juaj. Njërin e vratë në burg, pasi i droguat shqiptarët po i vrisni.

Manja: Ju lutem të jemi racional, vazhdojmë me rendin, me nenin…

Balliu: Të gjitha ligjet i keni bërë nul, ku e keni vettingun në polici, ku e ke se je marrë me të gjitha, ku e ke

Manja: Ju lutem

Balliu: Nuk ka, nuk të kanë votuar shqiptarët për të mbrojtur drogën

Bardh Spahia: E turpshme, bëheni palë me krimin, jeni bere palaco

Manja: Nuk është komisioni i Babales ky, ky është Komisioni i Ligjeve