“Defender Europe 21”, merr pjesë edhe FSK

Në stërvitjen ushtarake të NATO-s “Defender Europe 2021” e cila nis sot në Durrës, do të marrë pjesë edhe Forca e Sigurisë së Kosovës, FSK. Këtë e ka konfirmuar sot zëdhënësi i Ministrisë së Mbrojtjes, Flamur Arifaj duke saktësuar se në Kosovë stërvitja do të zhvillohet nga 17 deri më 29 Maj.

 “Mund ta konfirmoj pjesemarrjen e FSK-së në stervitjet ushtarake “Defender Europe 2021″. FSK do të marrë pjesë me disa regjimente të saj, dhe këto stervitje do të zhvillohen në Kosovë nga Data 17 deri me 29 Maj,” tha Arifaj.

Ndryshe, stërvitja ushtarake e organizuar nga ushtria amerikane në Evropë dhe Afrikë, ku marrin pjesë rreth 28 mijë trupa nga 26 vende aleate dhe partnere, do të zhvillohet në 7 baza të ndryshme duke përfshirë dhe Shqipërinë.