Pasi vizitoi Babain, Kadri Veseli përshëndetet me brohoritje UÇK, UÇK…

Ish-Kryetari i Parlamentit të Kosovës, Kadri Veseli, sot sërish ka vizituar babain e tij i cili është i shtrirë në Spitalin e Mitrovicës “Dr.Sami Haxhibeqiri”.

Ndonëse ishte i shoqëruar nga forca të shumta policore, përfshirë Policinë e EULEX-it, Kadri Veseli kur përfundoi vizitën i përshëndeti qytetarët e mbledhur para spitalit me nderimin tradicional shqiptar, me dorë në zemër, ndërsa ata nuk pushonin duke brohoritur “UÇK-UÇK, Kadri-Kadri”.

Ndryshe, Ish-Kryetari i Parlamentit të Kosovës, Kadri Veseli, po qëndron në Kosovë, pasi është liruar për vizitë nga Gjykata e Hagës ku po mbahet në paraburgim si i dyshuar për krime lufte.