Demokratëve iu shtua edhe një hall: Drejtuesë, 5 dishepujt e Zotni Lafshës!
Terrorit shtetëror të Edi Ramës, blerjes dhe vjedhjes së votës, pamundësisë për të zhvilluar një aktivitet privat, mohimit të punësimit në institucionet publike, dhe, arrestimit të liderit, halle këto që demokratët po i vuajnë me ditë të tëra, iu shtua dhe një hall që kësaj rradhe nuk ju vjen nga Kryeministri i Shkodrës, Himarës dhe gjithë Shqipërisë, por, nga Kryesia e PD: drejtuesit politik në Kukës, Dibër, Lezhë, Elbasan dhe Fier!
Ajo që e bënë këtë hall më serioz është se në kryqëzatën e Zotni Lafshës ndër demokratë, këta 5 drejtues tashmë zyrtarë në katër qarqet e Shqipërisë, u shfaqën si dishepuj të liderit të tyre, kur ai filloi përcarjen e egër të Partisë Demokratike deri në gjakëderdhjen e 8 Janarit!
Drejtues politik i Qarkut Kukës, Flamur Hoxha, është një fjalë goje që thuhet në formë vendimi, por është ky Flamur Hoxha që u bë pjesë e lojës së Zotni Lafshës ndërsa u veçuan demokratët ndjekës të kësaj kryqëzate ndonëse pakicë, që ishin po ata që iu bindën urdhërit të Kryetarit të tyre që të anulojnë protestën kundër traut në Rrugën e Kombit; Protestë e cila ishte ftuar edhe nën kërcënimet e regjimit të Edi Ramës dhe nuk iu bind njeri!
Mirë këta demokratë, janë po ata që iu bindën si Zotni Lafshës ashtu dhe Flamur Hoxhës, po demokratët tjerë që rezultuan se janë shumica dhe për tre vjet iu tha se kush ishte Lafsha dhe dishepujt e tij! Atyre që iu rrëfye mbi bëmat e dishepulit kuksian, rolin te 8 Janari dhe lejet e ndërtimit dhe përfitimeve nga partneriteti me Kunatin!
Dhe, pa kërkuar falje as Flamur Hoxha dhe as ata që e akuzuan këtë dishepull të Zotni Lafshës, dikush ka guxuar të mendoj se demokratët që u përbuzën dhe vuajtën torturën e regjimit të Edi Ramës, i cili në partneritet me Lafshën arriti ta bëjë qarkun më të varfër në rang vendi, me aq lehtësi, në emër të bashkimit të Partisë Demokratike Flamur Hoxha mund shfaqet si drejtues politik i PD, duke pretenduar se do t’i udhëheqë demokratët në fitore.
Sikur ta pranon këtë detyrë drejtuesi i Qarkut Kukës, përveç hallit të demokratëve kuksianë që komplikohet shumë, dëshmohet se problemi me Flamur Hoxhën është shumë më serioz se sa të qenurit dishepull i një deliranti si Zotni Lafsha!
Demokratëve dibranë gjithçka u pa syri, çamë me shumicë e dashamirës të përdhunimeve seksuale në zyrë, të asaj Dibre që me shekuj i krenohet nderit, familjes dhe heorizmit shqiptar, rrëfyer nëpër oda dhe folklor shqiptar; Po, gjithë atij folklori patriotik e antikomunist të cilin e përmbysi Zotni Lafsha me një të rënë të lapsit me ndihmën e Xhelalit!
Dishepulli i tij Xhelal Mziu nuk ka arritur të përçaj më shumë demokratët se sa lideri i tij si në Dibër ashtu dhe në Kamëz e Tiranë, por, dëmi që i shkaktoi kjo dyshe Partisë Demokratike, nuk mund të riparohet sikur kryetare e PD të bëhet vetë Yuri Kim, të cilës aq shumë i shërbyen me zell në shpërbëjen e PD dhe liderit të saj Sali Berisha, sa as SPAK-u nuk po i konkurron dot.
Nëse dikush e ka çuar nëpër mend se mbi 8 Janarin mund të kalohet aq lehtë, atëherë le ta harron se aromë fitoreje mund të ketë në Dibër me Xhelal Mziun në krye! Fitore, jo se jo…
PD në Lezhë, sado që do të amortizohet nga Kryetari i Këshillit Kombëtar, Edi Paloka, si njëri nga drejtuesit e fushatës së Partisë Demokratike, nuk mund ta detyroi asnjë demokratë që të mos ketë dyshime në drejtuesin tashmë politik të këtij qarku, Agron Gjekmarkaj!
Në kryqëzatën e shkatërrimit të PD, ky dishepull i Zotni Lafshës si njëri ndër më të aksesuarit në media ka një kontribut të veçantë në përdhosjen e figurës së liderit të opozitës Sali Berisha! Sa do ta kthejë nderin e vetë në vend nuk dihet, por ndër demokratë mirditorë është një mision i pamundur!
Elbasani, në vend se të ruhet si model ku një deputetë theu herësin në zgjedhjet e kaluara parlamentari dhe doli si produkt i një gare elektorale edhe kur ajo u cenua me sulm të armatosur ndaj demokratëve nga bandat e Edi Ramës. Po, ishte ky Luçiano Boçi i cili u katandis nga fundi i listës me firmën e Zotni Lafshës, dhe, padyshim me shijen e drejtuesit politik të qarkut Elbasan në atë kohë, Gazment Bardhi!
Profesor Luçiano Boçi mori besimin e demokratëve në zgjedhjet e vitit 2021, besim të cilit demokratët elbasanas i qëndruan besnik edhe kur Zotni Lafsha filloi kryqëzatën dhe përdori gjithë arsenalin diplomatik dhe politik për t’i bindur demokratët se sa i dëmshëm është Sali Berisha për Partinë Demokratike!
Po, Luçiano Boçi humbi betejën për kryetarin e bashkisë në zgjedhjet e fundit lokale, por, këtu nuk vendosën qytetarët e Elbasanit por bandat e Edi Ramës!
Sa do ta çoj përpara Partinë Demokratike drejtuesi i ri Ervin Salianji nuk dihet, por Partia Demokratike do të shkoj përpara në Elbasan sa më larg që këtij qarku i qëndron ky dishepull i Zotni Lafshës që demokratët do ta mbajnë mend nga 8 Janari, si njeriu i vetëm nga gjithë ata pisa, i gatshëm që me shkop bejsbolli në dorë, të rrah çdo demokrat që i del para!
Dhe, qershia mbi tortë është ish-dora e djathtë në kryqëzatën e Zotni Lafshës, që sot na rikthehet në demokratin e zjarrtë që do të drejtoj demokratët e Fierit, Gazment Bardhi!
Demokratët në Fier mund të binden për shumë gjëra ndoshta edhe nuk i kushtojnë edhe aq shumë vëmendje një kërkimfaljeje, por përderisa Luan Baçi ende frymon dhe zëvendësohet me njërin nga shkatërruesit e Partisë Demokratike që edhe i rrahu më 8 Janar, Gazment Bardhi, këtë nuk mund t’a kapërdijnë më as për bashkim!
Për hir të unitetit ata heshtën edhe kur në fushatën për zgjedhjet parlamentare të vitit 2021 iu thuhej nga dy dishepujt e Zotni Lafshës kandidatë për deputet në Fier, që mos ta votojnë Luan Baçin, dhe, ky buzëqeshte!
Por, pisllëkun që solli banda kriminale e Zotni Lafshës me gjithë ato intriga dhe së fundi gjakëderdhje me 8 Janar, nuk e lanë as lumi i Gjanicës! Sepse demokratët mund ta pranojnë se Gazment Bardhi ishte i pafytyrë dhe më nuk do të jetë, por, në kohën sa ishte ky i pafytyrë, i vetmi që ju doli në ndihmë dhe ju qëndroj pranë ishte Luan Baçi; Dhe, gjithë demokratët nuk mund të bëhen të payfytyrë duke shkelur mbi këtë realitet, për hir të bashkimit!
Aq më shumë kur filloi kryqëzata e Zotni Lafshës ata u rreshtuan mbas fjalëve të Luan Baçit, i cili i qëndroi pranë Sali Berishës në rrugën që ai zgjodhi në rithemelimin e PD! Ky vendim rezultoi i duhuri dhe nuk ka arsye të ndryshoi, tani, para fitores…
Nëse dikush mendon se mjafton premtimi për Primare që demokratët të rreshtohen sërish edhe kur dishepujt e Zotni Lafshës janë kthyer në radhët e tyre si drejtues, rrezikon shumë jo vetëm me Partinë Demokratike!
