Denoncimi, PD: Para tre ditësh, kompania e Ilir Beqajt mori tenderin 320 milionë lekë

Partia Demokratike, PD, përmes deputetes dhe Kryetares së Komisionit Hetimor për dy koncesionet në shëndetësi, Albana Vokshi, ka denoncuar Ilir Beqajn i cili me kompaninë e tij ka marrë tenderin e radhës para tre ditëve me vlerë 320 milionë lekë.

“Qëllimi jonë është që të ndihmojmë edhe SPAK-un. GJKKO e ka kthyer mbrapsht dosjen në SPAK për të thënë heto Ilir Beqajn, sepse Beqaj ka rol shumë herë më të madh dhe ka shkaktuar dëm shumë herë më të madh sesa ata që janë në burg,” tha Albana Vokshi duke folur për të pandehurin Ilir Beqaj i cili vazhdon dhe shëtit rrugëve të Tiranës dhe vazhdon merr tendera ndërsa saktëson:

“Para tre ditësh, Ilir Beqaj ka marrë tenderin e radhës me INTECH Plus, 320 milionë lekë!”