Denoncon publikisht Nënkomisarin/ Padi penale ndaj Edi Ramës, Spaho: Tre akuza, kanosi nënoficerin Nuhu…

Pasi kanë depozituar një padi penale ndaj kryeministrit Edi Rama, kryetari i Grupit parlamentar të PD, Edmond Spaho dhe homologu i tij i LSI, Petrit Vasili, kanë bërë të ditur se padia ka të bëjë me qëndrimin që ai ka mbajtur ndaj denoncimit publik të Nënkomisarit Emiljano Nuhu për rastin e Xhisiela Malokut.

Edmon Spaho tha se janë tri akuza ndaj Ramës për këtë çështje:

“Kanosjen për shkak të detyrës ndaj Nënkomisarit Nuhu; ka ndërmarrë veprime për fshehjen e së vërtetës dhe kanosje, veprime këto që dënohen me 2-3 vite burg ndaj dhe PD-LSI kanë vendosur ta padisin.

Me shprehjen “horr” ndaj oficerit Emiljano Nuhu në rastin e denoncimit të Xhisiela Malokut, kryeministri Edi Rama ka ndërhyrë në hetim dhe ka përcaktuar poshtërimin e nënkomisarit Nuhu dhe e ka paralajmëruar që të mos vazhdojë më e të pengojë hetimin.”