Deputetja e PD:  Enveri shembi kisha e xhamia, Rama po shkatërron teatro e kinema…

Deputetja e PD-së, Dhurata Çupi, e ka krahasuar Kryeministrin Edi Rama me ish-diktatorin Enver Hoxha.

Përmes një komenti në rrjetet sociale, Çupi shkruan se Enveri shembi kisha e xhamia, ndërsa Rama ka shkatërruar kinema, teatro dhe çdo vlerë historike.

“Ky lloj trashëgimtari i etur i regjimit më të egër duhet të largohet përgjithnjë nga drejtimi i vendit”,shkruan Çupi.

Reagimi i Dhurata Çupit

Enver Hoxha me regjimin e tij prishi xhami e kisha dhe amanetin për shkatërrim të teatrove, kinemave e cdo vlere tjetër historike, po ia përmbush Edi Rama.

Përmes formulës alla-moniste për të mos lejuar asnjë mendim ndryshe Edi Rama vijon propagandën e tij autoritare.

TURP

Ky lloj trashëgimtari i etur i regjimit më të egër duhet të largohet përgjithnjë nga drejtimi i vendit. Cdo ditë më shumë do t’i kushtojë vite mbrapa zhvilimit te Shqipërisë.

Hajdutëria e korrupsioni , skemat e abuzimit dhe budallallëku po shkatërron vendin.

Nuk mund ta pranojmë e ta lejojmë këtë rrokullisje.

#mjaftmë#pdevetmjashpresë#