Dhunohet Protesta/ Nuk e njohim më policinë, Basha: Mosbindja civile nga jugu në veri!

“Sonte le t’i çojmë këtë mesazh çdo shqiptari dhe çdo shqiptareje të ndershëm se ne Nuk e njohim më, jo vetëm Kuvendin e krimit dhe qeverinë e krimit, por as policinë e krimit dhe mosbindja civile do të shtrihet nga jugu në veri, se ne do ta çlirojmë Shqipërinë nga kjo bandë dhe veglat e saj.”

Ky është epilogu i dhunës së shfrenuar të Policisë së Ish-Gjeneral Sandër Lleshajt mbi protestuesit para Parlamentit të Shqipërisë, aty ku protestohej kundër qeverisë së Edi Ramës, e ky që kishte urdhëruar përdorimin e dhunës ndaj qytetarëve kishte ikur në Lushnje.

Por pse u përdorë dhunë e këtyre përmasave dhe si e kishte kuptuar përdorimin e dhunës nga policia Ish-Gjeneral Lleshaj me Këshillën e OSBE, kur vetëm një gomë u kallë dhe 3-4 koka protestuesish nuk i rezistuan provotimeve policore që nuk kishin të ndalur.

Një fërkim kaq i vogël në mes të protestuesëve dhe policisë ka mjaftuar që policët nën urdhërat e Ish-Gjeneralit të jenë më të dhunshëm më shumë se sa vetë krimi ndonëse lideri I Opozitës iu afrua vatrës së përplasjes për ët qetësuar situatën dhe jo siç bëri trimi i larguar në Lushnje kur organizonte protesta antiqeveritare.

Kështu e gjithë zona u shndërrua në skena tmerri dhe atë që Ish-Gjeneral Sandër Lleshi e quan gazlotsjellës rezultoi se është helm i rrezikshmërisë së lartë dhe që vjen si dhuratë edhe nga Serbia mike e Edi Ramës.    

Sërish lideri i Opozitës nuk largohet me lot në sy, por kujdeset për protestuesit që u dhunuan nga Policia Politike:

Basha:Vëllezër dhe motra a jeni mirë?

Protestuesit: Pooooo

Basha: Të vendosur?

Protestuesit: Poooo

Basha: Të bashkuar?

Protestuesit: Poooo

Basha: Zoti ju bekoftë ju! Rama ik!

“Sot Edi Rama ka urdhëruar një akt të pandodhur kurrë më parë, sulmin me lëndë kimike ndaj fëmijëve, motrave, grave dhe nënave, edhe grave shtatzëna, teksa bashkë me vëllezërit dhe baballarët e tyre ushtronin të drejtën legjitime të protestës qytetare, kundër Kuvendit të krimit, prej krimit dhe për krimin,” tha kryetari i Partisë Demokratike, Lulzim Basha, duke i dhënë përgjigje edhe kryeministrit Edi Rama për dhunën që urdhëroi ndaj protestuesëve:

“Edi Rama, sot me këtë akt, i ka shpallur luftë qytetarëve të vet. Në emër të Partisë Demokratike të Shqipërisë, në emër të opozitës, në emër të gjithë qytetarëve që kanë frikë vetëm Zotin dhe asgjë tjetër, i them Edi Ramës: se me këtë akt shpallje lufte ndaj qytetarëve këtu, koston do ta kesh 100% ti.”

Me këtë rast Lulzim Bash e bëri të qartë se janë vetëm dy rrugë:

“Të pranojë skllavërinë e krimit e tiranisë me kokën dhe zërin e Maduros së Ballkanit ose të ngrihen i gjithi njëzëri, një trup, gegë e toskë, myslimanë dhe të krishterë, demokratë e socialistë dhe të marrim në dorë fatin tonë dhe të atdheut tonë. Beteja që ka nisur është pa kthim dhe historia e gjatë dhe e shkurtër e këtij vendi na rrëfen sesi do të përfundojë kjo betejë: me shporrjen e qeverisë së krimit dhe triumfin e lirisë, demokracisë dhe të vlerave europiane për të gjithë shqiptarët. Asgjë nuk e ndal dot,” tha kryetari i PD ndërsa po i drejtohej protestuesëve të irituar nga veprimet kriminale të policisë së Ish-Gjeneral Lleshajt kur iu ndërpre korrenti edhe fonisë përmes së  cilës po fliste Basha:

“Kanë hequr korrentin, por populli do t’u heqë prizën!”tha kryetari i PD, Lulzim Basha i cili për dallim nga Ish-Gjenerali i cili nuk po mund të ndalonte dhunën që ushtronte policia ndaj protestuesëve sepse urdhërin për zellin e dhunshëm e kishin marrë nga Edi Rama, kryetari i Partisë Demokratike, me një fjalë mbylli protestën dhe protestuesit u shpërndanë në momentin kur jo vetëm sheshi ku po zhvillohej protesta por e gjithë Rruga e Elbasanit e deri tek 9-katshet ishte kontaminuar nga helmet që kishin hedhur në emër të lotsjellësit, Policia e Ish-Gjeneralit.

Basha: Mos bindje civile nga jugu në veri

Me përmbylljen e protestës kryetari i PD, Lulzim Basha, iu drejtua edhe një herë pjesëmarrësve të protestës duke i falënderuar që brenda pak orëve u mblodhën, siç tha ai, qindra e mijëra qytetarë, si asnjëherë tjetër në historinë tonë, për t’i treguar jo vetëm skotës mafioze dhe Maduros së Ballkanit, por mbarë botës, se ky vend ka zot dhe zoti janë qytetarët dhe populli sovran i Republikës së Shqipërisë.

“Protestues, njerëz që keni vendosur të mos ulni kokën dhe të pranoni fatin e skllavit, që pasi vidhet, poshtërohet dhe dhunohet, fatin që Edi Rama dhe skota e tij e kriminelëve kërkon për të gjithë shqiptarët, por që jeni ngritur për të mos u ulur më, deri në fitoren totale të lirisë dhe demokracisë, mbi dhunën, vjedhjen dhe mashtrimin, të fitores së qytetarëve mbi bandën kriminale që ka marrë peng Shqipërinë. Si minjtë u mblodhën sot, duke shpresuar se tinëzisht do t’ia hidhnin popullit,” tha Lulzim Basha duke shtuar:

“Sot Edi Rama përdori dhunën e verbër ndaj qytetarëve që protestonin në paqe për të marrë sendin e vjedhun nga banda kriminale e Edi Ramës, me Vangjush Dakon e krimit, me abdylajt, me bajrët e me shullazët, atë që përfaqëson themelin e republikës, atë që përfaqëson vullnetin e sovranit, Kuvendin e Shqipërisë.”

Sot ne nuk kemi më Kuvend, nuk kemi më qeveri, dhe për fat të keq, nuk kemi më as polici. Kemi vetëm një bandë hajdutësh dhe kriminelësh, që keqpërdorën sot institucionin që ka për detyrë të mbrojë ligjin. Shkeli ligjin, siç e ka shkelur gjithë këto kohë,” konstatoi me keqardhje lideri i Opozitës, dhe ashtu siç kishte denoncuar në shumë dalje publike, sot policia e vulosi me sjelljen e saj ndaj qytetarëve që protestojnë:

“Kriminelët me damkë nuk arrestohen, por promovohen e bëhen deputetë e kryetarë bashkish, bëhen biznesmenë dhe kur gjakosin në mes të Tiranës, edhe kur kapen duke vjedhur zgjedhjet, edhe kur duan të prishin shtëpitë e qytetarëve, nuk i gjen asgjë, ndërsa qytetarët që protestojnë për të drejtat e tyre, goditën nga kjo bandë. “

Në këtë situatë, kur Kuvendi funksionon siç e mendon Edi Rama dhe jo Ligji, kur Qeveria vepron siç e mendon Edi Rama dhe jo Kushtetuta dhe tashmë kur së fundi Policia e Shtetit arreston ata që protestojnë kundër kësaj paligjshmërie dhe jo kriminelët, kryetari i PD, Lulzim në pamundësi të një tjetër rrugëzgjidhje, kur protesta përfundoi, kur e gjithë zona u kontaminua nga gazi që hedhi policia e Ish-Gjeneralit, shprehet:

“Sonte le t’i çojmë këtë mesazh çdo shqiptari dhe çdo shqiptareje të ndershëm se ne nuk e njohim më, jo vetëm Kuvendin e krimit dhe qeverinë e krimit, por as policinë e krimit dhe mosbindja civile do të shtrihet nga jugu në veri, se ne do ta çlirojmë Shqipërinë nga kjo bandë dhe veglat e saj,” dhe:

“Çdokush, me uniformë dhe pa uniformë, me syze analisti apo kostum oligarku që është në krah të bandës së hajdutëve dhe Edi Ramës, është tradhëtar i popullit të vet, është tradhëtar i interesave të shqiptarëve të thjeshtë dhe do të trajtohet si tradhëtar nga qytetarët shqiptarë kudo që ndodhet,” ndërsa përfundoi: “Të bashkuar si asnjëherë, demokratë e socialistë, të krishterë e myslimanë, gegë e toskë, sot vazhdojmë rrugën tonë drejt destinit hyjnor final, demokracisë europiane, Shqipërisë si gjithë Europa. Zoti ju bekoftë ju! Zoti e bekoftë Shqipërinë! Fitore! Rama ik!”