“Dhuna përpjestimore”/OSBE apo ODHME, të sqarohet Ish-Gjenerali
“E nxisim policinë të reagojë në mënyrë përpjestimore.” Kështu e tha OSBE, ajo që zyrtarisht njihet si Organizata për Siguri dhe Bashkpëunim Evropian, por nuk është e qartë se e tha nga pakujdesia apo ka ndryshuar misionin.
Nëse është nga pakujdesia, OSBE gaboi rëndë kur lëshoi deklaratën dhe nuk e kishte parasysh që në krye të policisë është një Gjeneral Komunist, mënyra përpjestimore e të cilit lë mbrapa zona të tëra të kontaminuara për të larguar protestuesit, ambulanca plotë me të lënduar, qendra zejtare dhe hotele përreth përlotë me helme ushtarake, vetëm pse kështu i thotë shefi. Dhe për këtë, fajtore kryesore edhe mund të quhet OSBE, përveç mënyrës së të vepruarit që ka një Ish-Gjeneral i cili nuk e bëri dot Gjeneralin, dhe nuk ka se si ta bëjë mirë Ministrin.
Në rastin më të keq, OSBE mund të ketë ndryshuar misionin në Shqipëri dhe këtë nuk e thonë. Duke pasur parasysh Raportet e fundit dhe deklaratat e përçudnuara të zyrtarëve të këtij misioni në Tiranë, OSBE rezulton më shumë si ODHME, Organizata për Dhunë dhe Mosbashkëpunim Evropian.
Mesazhi i OSBE:
Dhuna nuk është përgjigjja për problemet e Shqipërisë. Ne e dënojmë sërish nxitjen politike të dhunës dhe bëjmë thirrje për vetëpërmbajtje dhe përgjegjësi.
Të protestuarit është një akt demokratik, por djegia e gomave, përdorimi i shashkave dhe çarja e kordonëve të policisë për të sulmuar një institucion publik, dhe veçanërisht zemrën e demokracisë, nuk janë të tillë.
Po ashtu, e nxisim policinë të reagojë në mënyrë përpjestimore. Ne po e monitorojmë situatën me shqetësim. Përgëzojmë mediat për shërbimin e madh që po i bëjnë demokracisë përmes raportimeve të drejtpërdrejta.
