Distria Krasniqi fiton medaljen e artë në Doha World Judo Masters 2021

Xhudistja nga Kosova, Distria Krasniqi, ka triumfuar në finale duke fituar medaljen e artë në Doha World Judo Masters 2021.

Ndërsa Majlinda Kelmendi në kategorinë deri 52 kilogramë dhe Nora Gjakova në kategorinë deri 57 kilogramë, kanë arritur të fitojnë medalje të bronzta.

Distria ka triumfuar në kategorinë 48 kilogram, në Doha World Judo Masters 2021 duke mposhtur ish-kampionen botërore dhe pretendenten kryesore për medaljen e artë në Tokyo 2021.

Distria Krasniqi duke mposhtur xhudisten, Funa Tonakin, ka siguruar medaljen e artë në finale dhe njëkohësisht ka siguruar pjesëmarrje në Lojërat Olimpike Tokyo 2021.

Ndryshe, në Mastersin në Doha të Katarit, ftesë kanë marrë vetëm 36 më të mirët nëpër kategori, e nga Kosova merrnin pjesë këto tri xhudiste.