Dita e Presidentit SHBA, Osmani: Presidenti Clinton u bë zëri i popullit të Kosovës në ditët më të vështira!

Sakrifica e popullit tonë si dhe mbështetja e Shteteve të Bashkuara ishin përcaktuese për lirinë dhe pavarësinë e Republikës së Kosovës, tha Presidentja Vjosa Osmani në Ditën e Presidentit në SHBA e cila u shënua me iniciaitivën e Shoqatës Historike të Shtëpisë së Bardhë.

“Me iniciativën e Shoqatës Historike të Shtëpisë së Bardhë e së bashku me Ambasadorin Hovenier dhe fëmijët e shkollës ‘Xhemajl Mustafa’ shënuam Ditën e Presidentit, si dhe festuam lidhjen e fortë e të pathyeshme në mes të Kosovës dhe Shteteve të Bashkuara të Amerikës,” tha Presidentja e Kosovës, Vjosa Osmani, duke përfunduar:

“Presidenti Clinton u bë zëri i popullit të Kosovës në ditët tona më të vështira. Sakrifica e popullit tonë si dhe mbështetja e Shteteve të Bashkuara ishin përcaktuese për lirinë dhe pavarësinë e Republikës sonë.”

Ndryshe, sot është Dita e Presidentit në Shtetet e Bashkuara, një festë kombëtare që festohet të hënën e tretë të shkurtit, në nder të Presidentit të parë të Shteteve të Bashkuara, George Washington.