Dita e Rinisë, Ambasada e SHBA: Sot kujtojmë rininë shqiptare që sollën rënien e regjimit komunist!

Duke uruar Ditën e Rinisë, Ambasada e Shteteve të Bashkuara në Tiranë kujton rininë dhe studentët shqiptarë të cilët ishin nismëtarë të protestave që sollën rënien e regjimit komunist dhe lindjen e demokracisë më 8 dhjetor 1990.

“Sot, ne kujtojmë rininë dhe studentët shqiptarë të cilët ishin nismëtarë të protestave që sollën rënien e regjimit komunist dhe lindjen e demokracisë më 8 dhjetor 1990,” thekson Ambasada e SHBA në Ditën Kombëtare të Rinisë përmes rrjetit social Facebook duke përfunduar:

“Shtetet e Bashkuara qëndruan pranë të rinjve dhe qytetarëve të Shqipërisë teksa ata kërkuan një vend “si e gjithë Europa” dhe ne jemi me krenari krah jush sot, teksa Shqipëria bën hapin e saj të radhës drejt anëtarësimit të plotë në Bashkimin Europian.”