Dita e zgjedhjeve historike, ja çfarë thonë sondazhet dhe kur do të shpallet fituesi!

Vetëm një ditë na ndanë nga zgjedhjet presidenciale historike në Amerikë, që për shumëçka do të vendosin për të ardhmen e botës.

Më shumë se 77 milionë amerikanë tashmë kanë dhënë votën e tyre për presidentin e ardhshëm të Shteteve të Bashkuara, që është një shifër rekord jo më e madhe se në vitin 2020 kur votuan 101.5 milionë, por larg asaj të vitit 2016 kur votuan 47.2 milionë ose vitit 2012 kur votuan 46.2 milionë amerikanë.

Sot, në ditën e fundit të fushatës zgjedhore dy kandidatët për president do të përmbyllin fushatën në Pennsylvania ku demokratja Kamala Harris mendon se është vendimtare për këtë garë, përkatësisht Pennsylvania, North Carolina e Michigan, ku Dondal Trump është i sigurt se duhet hedhur guri i fundit!

Por, edhe sot një ditë para ditës së votimit, amerikanët janë të ndarë për zgjedhjet e presidentit në mes të republikanit Trump dhe demokrates Harris, e sondazhet tregojnë një garë të paparashikueshme, në veçanti në shtatë shtetet federale ku mendohet se do të vendoset fituesi.

Donald Trump, republikani 78 vjeç, miliarder dhe ish-president amerikan, gjatë fushatës i mbijetoi dy atentateve, vetëm disa javë pasi juria në New York e shpalli fjator për falsifikim të dokumenteve, duke u bërë dhe presidenti i parë amerikan i dënuar për vepër penale. 

Kamala Harris në muajin shkurt papritur u bë kandidate demokrate që ka dhe rastin të bëhet presidentja e parë amerikane, pasi presidenti aktual Joe Biden hoqi dorë nga gara, pasuar nga një presion i madh brenda partisë për shkak të perofmancës së dobët në debatin me Donald Trump. 

Sondazhet tregojnë se Harris dhe Trump janë të barabartë në nivel kombëtar, por jo dhe në shtetet federale ku vota ndryshon, të ashtuquajtura, swing states.

Çfarë thonë sondazhet

Pak më shumë se 24 orë para se amerikanët ta thonë fjalën e fundit, Sky News sjell rezultatin përfundimtar të sondazhit.

Gara është gati e barabartë. Mirëpo, sipas SkyNews, Kamala Harris ka shënuar një rritje me përparësi prej 0.8 për qind ndaj Donald Trump. Kjo pasoi pas sondazhit në Iowa që i dha përparësi në shtetin ku Trump doli fitues në zgjedhjet e kaluara. Gjithsesi, këtu parashikohet një garë shumë më e fortë se ajo në vitin 2000.

Në nivel kombëtar rezultatet e sondazhit janë:

• Kamala Harris – 48.3%
• Trump – 47.5%

Harris aktualisht udhëheq në shtetet federale që i sjellin 22 vota elektorale ndërsa Trump në shtetet që i sjellin 27 vota elektorale, ndërsa në shtetet me nga 45 vota elektorale janë pothuajse të barabartë.

• Pennsylvania – Harris
• Georgia – Trump
• North Carolina – Trump
• Michigan – Harris
• Arizona – Trump
• Wisconsin – Harris

Qarku i dytë i Nebraskas gjithashtu është një fushëbetejë e fortë, por nuk janë zbatuar sondazhe që i respektojnë standartet e NBC.

Për t’u bërë President i SHBA, Donald Trump duhet të fitoj në dy shtetet ku gara është e barabartë, si dhe në dy shtetet kua aktualisht është në epërsi.

Ndërsa Kamala Harris duhet të fitoj në shtetet ku aktualisht është në epërsi, dhe dy shtetet ky deiferenca është më e vogël se 1 për qind.

Zgjedhje historike

Këto zjedhje presidenciale në SHBA vërtetë janë historike. 

Nëse fiton Donald Trump, do të bëhet presidenti i parë që nga shekulli i XIX i cili fiton pasi ka humbur në rizgjedhje, presidenti i parë ndaj të cilit janë bërë dy atentate gjatë fushatës zgjedhore, dhe, presidenti i parë me dënim për vepër penale.

Nëse Kamala Harris del fituese, do të futet në Shtëpinë e Bardhë jo vetëm si presidentja e parë e SHBA por si presidentja e parë me ngjyrë, dhe presidentja e parë me prejardhje aziatike.

Kur do të dihet fituesi? 

Vendvotimet mbyllen në mbrëmjen e së martës, por mund edhe të mos dihet fituesi – Donald Trump ose Kamala Harris – edhe disa ditë pasi të përfundon procesi i votimit nëse gara është e ngushtë.

Sondazhet kombëtare në shtetet kyçe janë bërë shumë të paparashikueshme në orët e fundit, kështu që pritet edhe rezultati shumë i ngusht në disa shtete federale, që mund të sjell dhe rinumërim të votave, paralajmëron BBC.

Gjithashtu, disa rezultate mund të jenë më të avashta për shkak të ndryshimeve në mënyrën se si disa shtete, ku përfshihen shtatë shtete kyçe, kanë administruar zgjedhjet nga viti 2020.

Nga ana tjetër, në disa vende si Michigan është përshpejtuar numërimi i votave, dhe shumë më pak do ketë vota me postë se sa në zgjedhjet e kaluara, që janë mbajtur gjatë pandemisë. 

Në vitin 2020 zgjedhjet janë mabjtur të martën e 3 nëntorit por rrjetet televizive amerikane nuk e kanë shpallur fitues Joe Bidenin deri në orët e vona të së shtunës së 7 nëntorit.

Presidenti i ri do të inaugurohet të hënën e 20 janarit 2025 para Capitol Hill, në inaugurimin e 60-të presidencial në historinë e SHBA.