Dita Kombëtare e Personave të Zhdukur, Hovenier: Duhet bërë më shumë për të garantuar drejtësi!

Edhe pas më shumë se 20 vjetëve, familjarët e të pagjeturve nuk kanë përgjigje për më të dashurit e tyre që u zhdukën me dhunë në luftën e fundit, Ambasadori i SHBA në Prishtinë, Jeff Hovenier, tha sot në Ditën Kombëtare të Personave të Zhdukur duke shtuar se duhet bërë më shumë për të garantuar drejtësi.

“Sot, në Ditën Kombëtare të Personave të Zhdukur të Kosovës, ne qëndrojmë pranë familjarëve të cilëve edhe pas më shumë se 20 viteve, ende u mungojnë përgjigjet për fatin e të dashurve të tyre të zhdukur,” tha Ambasadori Hovenier në reagimin e tij përmes rrjetit social Twitter duke përfunduar:

“Duhet bërë më shumë për të garantuar drejtësi dhe përmbyllje për këto familje dhe ata që i humbën!”