Ditë Zie Kombëtare, Presidenti i Republikës: Të bashkojmë lutjet tona…
Sot kur numri i të vdekurëve nga tërmeti shkatërrimtar në Turqi ka kaluar mbi 34 mijë persona ndërsa në Shqipëri është Ditë Zie Kombëtare, Presidenti i Republikës, Bajram Begaj, bënë thirrje të bashkojmë lutjet tona dhe të shprehim solidaritetin me familjet që po përballen me tragjedinë e tërmetit në kufirin turko-sirian.
“Në këtë ditë zie kombëtare, le të bashkojmë lutjet tona dhe të shprehim solidaritetin me familjet që po përballen me tragjedinë e tërmetit në kufirin turko-sirian,” shprehet Bajram Begaj në reagimin e tij përmes rrjetit social Facebook duke përfunduar:
“Shqiptarët nuk do ta harrojnë kurrë ndihmën e Turqisë gjatë tërmetit që goditi Shqipërinë në 26 Nëntor 2019.”
Ndryshe, Turqia u godit nga tërmeti shkatërrimtar mëngjesin e 6 shkurtit me magnitudë 7.8 të shkallës Rihter me epiqendër rreth 26 kilometra nga qyteti Nurdagi dhe rreth 33 kilometra larg qytetit Gaziantep. Aktualisht raportohet për mbi 6.500 të shembura ku jetën ka humbur mbi 34.000 persona ndërsa zona që ka përfshirë tërmetin është e banuar me 13 milionë njerëz.
