Ditmir Bushati, si u kthye teknicienti i shkëlqyer në identitet, rrugaç komunist!
Sot u bë temë diskutimi mosdekretimi i ministrit të Jashtëm të shkarkuar, Ditmir Bushati nga Presidenti Ilir Meta edhe pse nuk asgjë për tu çuditur.
E para, vijnë nga një familje kriminale, komunistë, dhe e dyta, Ditmir Bushati edhe para zgjedhjes së Metës për president e ka pranuar se ka marrëdhënie të shkëlqyera me Ilir Metën ndonëse si LSI ai dhe partia e Ditmirit kishin shumë përplasje.
Por, si u bë objekt i mbrojtjes kaq të madh nga Ilir Meta, shefi i shkarkuar diplomacisë shqiptare, dhe si ra në nivelin e Metës njëri ndër teknicientët më të shkëlqyer që kishte diplomacia shqiptare.
Teknicient i rrallë…
Njëri ndër njohësit më të mirë të MSA-së ndër radhët e administratës shqiptare padyshim që ishte dhe është Ditmir Bushati. Në kohën kur ishte teknicient në Ministrinë e Integrimit, me kompetencë, lidhur me këtë Marrëveshje, mund të fliste vetëm ai, dhe në kohën kur në krye të kësaj ministrie erdhi Majlinda Bregu asgjë nuk ndryshoi. Asnjëri nuk e njohu mirë këtë proces ndonëse jo me dëshirën e Majlindës atë e larguan nga kjo ministri për çështje spiunazhi ose më saktë, nxjerrjes së emaileve zyrtar nga Ministria e Integrimit.
Kjo është edhe periudha kur ministria e Integrimit humbi një specialist të rrallë dhe Partia Socialiste ktheu në radhët e saj, jo më pak se njërin nga të ngjashmit, ose më saktë, të birin e Sekreatrit të parë të PPSH dhe tmerrit të Shkodrës, Sulejman Bushati.
Për ata që ishin të bindur se të qenurit i biri i një krimineli nuk do të thotë asgjë, u deshën kohë për tu bindur se kush është Ditmir Bushati dhe pse mund të ishte kaq i mirë si teknicient dhe jo si ministër.
Po Partia nuk pyet, aq më shumë Edi Rama, një injorant në diplomaci ashtu si edhe në shumë gjëra që janë kompetencë e qeverisë.
Por gjurma e Ditmirit daton që nga çastet e para kur Berisha e largoi nga Ministria e Itegrimit. Emailet e zeza që ai dërgonte për Shqipërinë, e që akuzohej nga kryeministri i kohës Sali Berisha nuk ishin akuza të rastësishme sepse edhe “foshnja” e Griseldës së Roshëve nuk u shpik nga Tanja Fajon por nga emaili që ky qëndisi për “krimin” në fjalë. Kur u bë “ringjallja” e foshnjes së Griseldës, asnjëri prej autorëve të emailit nuk mori përgjegjësinë ndërkohë Ditmiri u kthye në identitet, rrugaç komunist!
Nuk ishte më ai burokrati i vyer i shtetit shqiptarë, i cili, pavarësisht se nga vinte, bënte punën e tij, nuk sforcohej, s’kishte pse të fliste gjuhën zyrtare në Tiranë dhe atë shkodrane gjatë vizitave në Shkodër; Por, ja që partia vonon por nuk harron.
Dhe, Edi Ramës i hyri në punë. Shumë thonë se përvoja e tij në diplomaci i hyri në punës Ramës edhe me ndryshimet kushtetuese, dhe ato për të cilat “protestonte” Ilir Meta. Bushati i goditi në shenjë dhe u bën ë me bekimin e Edi Ramës, e për të cilat sot heshtet. Heshtet, sepse ai i cili përplaste vazot me lule nëpër sallën e parlamentit, në atë kohë nuk ishte i shqetësuar për ndryshimet kushtetuese që bëheshin për kompetencat e presidentit, por vetëm për dorën që vihej mbi habitatin e vetë, LSI; Për të tjerat tym e flakë i daltë Shqipërisë! Por ja që edhe kjo zotësi e Bushatit i ra në kokë Ilir Metës kur aksidentalisht u bë president!
Me ardhjen e Edi Ramës në pushtet, edhe pse vetëm shkodranët dhe ata të përndjekur politik që ishin prekur nga dora e Sulejman Bushatit mund ta dinin se çfarë reje e zezë po vinte mbi Shqipëri, shqetësimi nuk ishte aq prezent se kur mund të bëhet edhe Edmond Haxhinasto ministrë i Jashtëm, pse nuk bëhet Ditmir Bushati!
Dhe, prezenca e parë e Ditmir Bushatit në Komisionin e Jashtëm nuk i dha të drejtë atyre që e akuzonin madje edhe pas humbjes së thellë të PD. Pra, ishte shtatori i vitit 2013, burokrati i rregullt Ditmir Bushati u paraqitë në seancë dëgjimore në Komision, u gëzua madje se pse aty iu dha mbështetja unanime për 3 kandidatët ambasadorë, Artur Kuko në Gjermani, Roland Bimo në Austri dhe Ardiana Hobdari në Këshillin e Evropës, e Bushati vet pas kësaj mbledhje tha se po vazhdon reformimi i strukturës diplomatike duke veçuar edhe në këtë fushë problematikën apo siç e quajti gropën e madhe që tha se kishte lënë qeverisja e kaluar.
Harroi Manastirin…
Shumë shpejtë u pa se gropa e madhe ishte qeverisja që erdhi, aq më shumë djali i një krimineli komunist i cili ndër të tjera nuk njehë as gjuhën e tij shqipe.
Kjo ishte ajo reja e zezë për të cilën e kishin fjalën shkodranët dhe u lëshua në fundshtatorin e vitit 2013. Pas takimit të zhvilluar të ministrit të ri të jashtëm Ditmir Bushati me homologun e tij nga Maqedonia, Nikolla Popovski, në kuadër të sesionit të 68-të të Asamblesë së Përgjithshme të OKB-së në New York zyra e tij lëshon informacionin:
“Projektet infrastrukturore që lidhin më shpejt dy vendet tona si, rruga Durrës-Shkup dhe linja e interkonjeksionit Bitola-Elbasan, mbeten në linjën e prioriteteve infrastrukturore në shërbim të të dy vendeve. Thellimi i dialogut në nivel politik në të gjitha fushat e interesit të përbashkët është një mundësi që adreson qartasi çështjet mes të dy vendeve, sidomos në kuadër të procesit të integrimit evropian,” theksonte komunikata e MPJ me në krye Ditmir Bushatin që konfirmonte jo vetëm përafrimin me Beogradin, frikë kjo të cilën e kishin shkodranët por edhe harrimin e gjuhës amtare. Dhe, arsyetimi më i mirë nuk kishte se nga të vinte përveç se nga Shkodra, përkundër irritimit mbarëkombëtar:
“Po ku din i shkreti për Manastirin, vendlindjen e gjuhës shqipe, kur ai e ka gjuhë të huaj!”
Por jo vetëm kaq! Ditmir Bushati kishte marr lopatën komuniste dhe po gërmonte për të shkatërruar gjithçka që ishte ndërtuar nga rënie e komunizmit, aty ku ata ishin vetë zot e vetë shkop. Pasi i bëri nulë gjithë bëmat e Sali Berishës, i ngeli vetëm Presidenti, Bujar Nishani! Për të gjithë ata që menduan se e kishte me presidentin që vinte nga radhët e PD, u gënjyen rëndë, e kishte me Presidentin si institucion dhe kjo ishte e keqja më e madhe që vinte nga Ditmir Bushati dhe nga ndryshimet kushtetuese që iu kishin bërë këtë institucioni.
Dhe, përplasja ndodhi aty në “thembrën e akilit”, Ambasadorët. Edhe pse Presidenti Bujar Nishani u ankua disa herë për fshehjen e ftesave që i bëhen, ai nuk ishte përfillur dhe pika që u derdh nga gota ishte Ambasadori në Vatikan, Visar Zhiti i propozuar nga Qeveria. Edhe pse vinte nga Edi Rama i cili nuk ka kurrfarë respekti për fenë katolike, autorësinë e mori Bushati duke thënë se ka konsultuar Vatikanin dhe se Presidentit nuk ia jep të drejtën Kushtetuta që të vendos veto.
“Ambasadorët janë kompetencë e Qeverisë dhe Kushtetuta nuk i jep asnjë të drejtë Kreut të Shtetit që të ketë të drejtën e vetos. Ambasadorët propozohen nga Qeveria dhe kjo është një e drejtë që ia ka dhënë Kushtetuta, ia jep ligji dhe sovrani. Mund të lexoni kompetencat e presidentit dhe do të shihni që Kushtetuta nuk i jep të drejtën e vetos, pasi Presidenti nuk përfaqëson asnjë nga 3 pushtetet,”, tha Bushati me urdhër të Partisë duke dhënë edhe një arsye epike që do të mbahet mend për shumë kohë, si pjesë e shkatërrimit të këtij shtetit nga qeveria e Edi Ramës:
“Unë nuk e di se cila nga arsyet që ka nxjerrë Presidenti bllokon dekretimin e Visar Zhitit, i cili është ish-deputet dhe ish-ministër i Qeverisë Berisha, i dekretuar në postin ministror nga Presidenti aktual.”
Pra, e njehë edhe si vlerë të qënurit ministër në qeverinë e Sali Berishës edhe pse kur njohu disa hapa cilësor që kishte realizuar diplomacia e drejtuar nga Besnik Mustafaj, dhe shprehu mirënjohje, dhe iu bë vërejtja se vendimet nuk i ka marrë Besniku por qeveria dhe pse nuk falënderon Berishën, ai ishte i prerë si djalë i Sulës që është:
“Faleminderit nuk i them dot një njeriu që i ka duart me gjak!”
E për ftesat e Nishanit, broçkullisi shumë më keq se shefi i tij, Edi Rama. Ai përgënjeshtroi Nishanin se fshehë ftesat duke theksuar se tashmë presidenti është në Kroaci, në ceremoninë e inaugurimit të presidentes së re kroate, dhe ky ka qenë edhe propozimi i ministrisë së Jashtme.
A mund të imagjinohet se si në inaugurimin e presidentit të shtetit më mik në Evropën Juglindore, propozimin për të marrë pjesë presidenti shqiptar e bënë djali i Sulës!
Por Dimir Bushashti nuk ndalon me kaq! Presidenti Bujar Nishani me edukatë institucionale jo vetëm në kohën kur u zgjodh president, reagoi edhe me shkarkimin e ambasadorit shqiptar në OSBE. Insitucion ky të cilin pikërisht partia e Bushatit e përdhosi, në veçanti në kohën kur Kosova shpalli pavarësinë. Presidenti Nishani reagoi për shkak të detyrës dhe Ditmir Bushati mashtroi për shkak të partisë duke përgënjeshtruar akuzat se i ka marrë kompetencat Presidentit të Republikës, Bujar Nishani, pikërisht siç bënte homologu i tij socialist Kastriot Islami kur deklaronte se nuk mund të bllokonte anëtarësimin e Serbisë në OSBE me veto, sepse Shqipëria nuk ka politikë bllokuese, edhe pse shpallja e pavarësisë së Kosovës po përgatitej.
“Sipas zhvillimeve ndodh edhe ndryshimi i mandatit të organizatave dhe nuk vendos ministri se çfarë mandati do të ketë OSBE-ja,” tha Bushati dhe përgënjeshtroi lajmin se qeveria është në bisedime për pranimin e azilantëve nga Siria. Dy gënjeshtra në një fjali! Të parën e konfirmuan zhvillimet e ngjarjeve në OSBE dhe mënyrën se si vepruan shtetet tjera dhe të dytën e konfirmoi ministri austriak për mediat e Austrisë!
Ditmir patrioti
Dhe, ku përveç se në vendin e tij shpirtëror, Ditmir Bushati bëhet patriot. Kur Mali i Zi u pavarësua nga Serbia të gjitha shtetet anëtare të OSBE ishin të bindura se Shqipëria do të përdor veton për shkak të Kosovës. Por, jo! Për hirë të së kaluarës së Partisë së Punës së Shqipërisë, Serbia u anëtarësua në OSBE, dhe me shpalljen e pavarësisës së Kosovës ishte Serbia që vendosi veton për Kosovën. Ku ishte Partia e Bushatit, një zot e di, por në dhjetorin e vitit 2015, me demek patrioti Ditmir Bushati në Këshillin ministror të OSBE-së në Beograd, duke përshëndetur iniciativën serbe për bashkëpunim rajonal thekson se ky është prioritet i Shqipërisë, por tha se ka dallime në disa qëndrime mes këtyre dy shteteve, pikërisht, siç vazhdon ta thotë shefi i tij, Edi Rama që vëlla ka Aleksandar Vuçiçin. Në këtë Këshill, edhe pse nuk kishte nevojë as të nxjerrë nga goja broçkulla të tilla, ai shprehë bindjen se Kosova duhet të jetë anëtare e organizatave ndërkombëtare, përfshirë OSBE-në.
“Kosova është realitet i pakthyeshëm dhe tendenca për ta quajtur ndryshe, nuk është në përputhje me parimet e organizatës,” thekson Ditmir Bushati edhe pse i bindur se ato çfarë po thoshte ishin një iditoizëm i gjallë; Ndërkohë për anëtarësimin e Kosovës në OKB nuk kishte bërë asnjë veprim, në veçanti me Konferencës Islamike kur Turqia dështoi me sukses të madh, edhe pse KI shikohej si trampolinë e mirë për njohje nga shtetet anëtare dhe anëtarësim me votën e tyre në Kombet e Bashkuara.
Dhe, sërish përdhosje të institucionit dhe Presidentit Bujar Nishani. Në pamundësi për ta edukuar një rrugaç, Presidenti Nishani e shmangi atë. Në korrikun e vitit 2016, pasi ndaloi pjesëmarrjen e Presidentit të Republikës në Konferencë Vjetore ky i fundit nuk i bëri ftesë në ceremoninë me trupin diplomatik, një ministri që nuk njehë këtë institucion. Por djali i Sulës u fut në Presidencë me bekimin e Gardës që drejtohej nga Nëna Parti.
“Në mënyrë të përsëritur Ministri Ditmir Bushati refuzon të njohë Institucionin e Presidentit të Republikës, ndaj dhe në pritjen që Kryetari i Shtetit kishte organizuar në ambientet e Presidencës nuk ishte i ftuar Ministri Ditmir Bushati dhe pjesëtarë të MPJ-së. Lista e të ftuarve i ishte dhënë autoriteteve të Gardës së Republikës në respekt të procedurave protokollare dhe sigurisë, por me një akt prej dhunuesi, Ministri Ditmir Bushati dhe persona të tjerë, të paftuar, kanë depërtuar me forcë në ambientin ku do të organizonte pritjen Presidenti i Republikës.”
Duke e cilësuar si një veprim i paekulibruar dhe i paprecedent në historinë e Shtetit Shqiptar, presidenca shprehu shqetësimin e thellë për mosëpërmbushjen e detyrës nga punonjësit e Gardës së Republikës ajo i është adresuar drejtuesve të këtij institucioni, i ngarkuar me ligj për të garantuar sigurinë e funksionimit të Kryetarit të Shtetit, për të hetuar dhe marrë të gjitha masat e nevojshme në zbatim te ligjit dhe Kushtetutës së vendit. Por, i gjithë mandati i Presidentit Nishani me ministër të Jashtëm, Ditmir Bushatin nuk pa ditë më të mira edhe atëherë kur u kujtua se kur partia e tij ishte në opozitë punonte kundër Shqipërisë, sot sërish akuzon ata që ishin në pushtet dhe sot janë në opozitë .
“Shqipëria është në një fazë reformash të thella, të cilat puthiten edhe me stadin e procesit të integrimit evropian. E theksoj edhe njëherë që jam besimplotë që këtë vjeshtë do të marrim rekomandim nga ana e Komisionit Evropain. Jam më besimplotë se asnjëherë tjetër që 90% e punës së këtij procesi varet nga ne dhe jo nga humori i BE. Duhet më shumë ujdi politike, vetëdije kombëtare. Secili prej aktorëve politikë duhet të shohë pyllin dhe jo pemën,” thekson Ditmir Bushati në në korrikun e virit 2016 në një intervistë televizive, kohë kur askush në BE nuk e donte Shqipërinë, dhe kur iu bë vërejtja se partia e tij të njëjtën gjë bënte në qarkun e Fierit, ai tha “krahasimi nuk qëndron”.
Për ata që e besuan për pak çaste, krahasimi edhe mund të mos qëndronte, për Bushatin shqiptarët jetonin më mirë se në vitin 2013 ashtu si edhe bizneset të cilat vetëm ai dhe Edi Rama nuk i shikonte se janë në krizë, por kur u pyet nëse është i shqetësuar që në Shqipëri ka plantacione të tëra të mbjelljes së hashashit dhe sot Shqipëria është e mbushur me plantacione kanabisi, ai pa i lëvizur qerpiku deklaron:
“Të thuash që në Shqipëi ka kanabis dhe të thuash që Shqipëria është e mbushur me kanabis janë dy gjëra të ndryshme!”
Kur drejtuesi i emisionit i bëri vërejtje se më këtë që po thotë është për të qeshur, madje edhe kameramanët po qeshin, Ditmiri ngeli i pathyer:
“Ju keni gjithë të drejtën për të qeshur, por ju falënderoj që përmendët Lazaratin. Kjo qeveri është qeveria e parë që tregoi vullnet të hekurt për të çliruar një zonë ku nuk zbatohej ligji i shtetit shqiptar. Të thuash që Shqipëria është e mbushur me kanabis është një recetë shpifëse jo ndaj kësaj qeverie, por ndaj Shqipërisë. Pyetja për mua nuk duhet të qëndrojë a ka kanabis,a ka njerëz që shkelin ligjin. Çështja shtrohet nëse kjo qeveri e ka vullnetin ta përballë këtë fenomen? Qeveria jonë e ka treguar që e ka këtë vullnet. Kjo nuk është një çështje që ka të bëjë vetëm me policinë, Ju i dini personazhet e famshëm edhe në Lazarat, pjesë të pushtetit vendor që bashkëpunonin me të gjitha grupet. Dëgjova edhe disa përfaqësues të ndriçuar të Partisë Demokratike që e lidhnin edhe humbjen në Peshkopi, me kanabisin. Kur pashë edhe qendrat e votimit dhe kandidati ynë kishte fituar bindshëm, e kuptova që po donin të talleshin me dibranët. Për herë të parë në historinë e këtij vendi, ka dalë një grup që tallet me dibranët. U çudita!”
Kështu Ditmir Bushati ngeli i çuditur deri në ditën e shkarkimit, por të çuditur nuk ishin as opozita, as Departamenti i Shtetit, as Komisioni Evropian dhe as OSBE që nuk panë asgjë më shumë nga kjo qeveri se sa drogë, blerje votash, tendera korruptiv dhe një kryediplomat që shkatërroi jo vetëm diplomacinë.
Është interesante që pikërisht në korrikun e vitit 2016, brenda një interviste foli aq shumë për Ilir Metën sa askush nga LSI nuk ka folur ashtu deri më sot. Madje as skraparllinjtë që i sajdis aq shumë.
Refuzon se ka folur kundër të tij në takime me diplomatët e huaj edhe pse ata vetë e kanë thënë një gjë të tillë, thotë se Meta ka eksperiencë të gjatë politike, ka qenë dy herë ministër i jashtëm, e di shumë mirë se çfarë ndodh, si funksionon shërbimi dhe e pranon se ka miqësi me të. Kur u pyet a mund të jetë president, tha një PO të madhe, bile kandidat i fortë ndërsa veçoi ministrin më të mirë që kishte Shqipëria:
“Pozicioni i ministrit të jashtëm është një përgjegjësi e madhe. Unë e konsideroj veten me fat që jam në këtë detyrë, për besimin që më ka dhënë Rama. Por jam me fat që mund të konsultohem edhe me njerëz që kanë dhënë kontributin e tyre në këtë detyrë, përmend këtu Ilir Metën, i cili ka qenë dy herë ministër i jashtëm dhe sot është kryetari i kuvendit, është ndër njerëzit që kupton shumë mirë dinamikën dhe vështirësinë që paraqiten këtu.”
Përplasja, si mjet pune…
Dhe sërish përplasja me Nishanin, jo për PD as për ceremoni dhe pushtim të Presidencës, por për votën kundër SHBA në OKB. Ndonëse ishte vendim i NATO-s dhe partnerit tonë kryesor SHBA, vota shqiptare në Kombet e Bashkuara ishte për ndalimin e asgjësimit të armëve bërthamore. Kur kjo u bë publike nga Ish-Presidenti Sali Berisha i cili ishte informuar nga vendet aleate, Bushati përfundoi në Komisionin e Jashtëm, por edhe atje sikur se në një intervistë televizive, nuk i lëviz qerpiku, mashtroi dhe gënjeu.
“I njëjti gabim, për të njëjtën rezolutë, është bërë edhe nga dy vende të tjera, përkatësisht Itali dhe Estoni. OKB-ja do të publikojë votën kundër të korrektuar të Shqipërisë në mars të këtij viti”, deklaroi ministri i Jashtëm Bushati duke u shpreh se për herë të parë patën një qëndrim ndryshe krahasuar me vitet e mëparshme. “Shtetet e Bashkuara të Amerikës dhe Franca, dy prej fuqive nukleare rritën përpjekjet pranë aleatëve, por edhe vendeve të tjera për të siguruar më shumë abstenime dhe vota kundër. Ju premtua partnerëve amerikanë dhe francezë që Shqipëria do të kalonte votën e saj kundër. Shqipëria duke votuar kundër, siç ju e thatë, në Gjenevë e ka të reflektuar këtë gjë në dokumentet e Organizatës së Kombeve të Bashkuara.”
Pra, edhe pse Ditmir Bushati e kishte të qartë në këtë fillimshkurt të vitit 2017 se kush do të jetë Presidenti i ardhshëm i Republikës, ai vazhdoi me sulmet ndaj atij aktual si dhe mashtrimet konsekuente të cilat u shfaqën edhe në këtë Komision që detyruan Presidentin Nishani të reagoi menjëherë:
“Nisur nga deklarata e bëra sot në Komisionin për Politikën e Jashtme të Kuvendit të Shqipërisë, nga Ministri i Punëve të Jashtme, zoti Ditmir Bushati, për votimin në Asamblenë e Përgjithshme të Kombeve të Bashkuara të rezolutës për armët bërthamore, sqarojmë se, Deklarata e Ministrit Bushati se: “Presidenti i Republikës, ka marrë sqarim po në rrugë institucionale”, është krejtësisht e pavërtetë!
Institucioni i Presidentit të Republikës sqaron gjithashtu opinionin publik se, nisur nga detyrimet dhe ndjeshmëria e marrëdhënieve të Republikës së Shqipërisë me Aleancën e Atlantikut të Veriut dhe vendet e saj Anëtare, më 11 janar 2017, me shkresën nr.52, Presidenti i Republikës, Sh.T.Z. Bujar Nishani, ka kërkuar informacion nga Ministri i Punëve të Jashtme, zoti Ditmir Bushati, mbi qëndrimin e mbajtur nga Shqipëria në votimin e datës 23 dhjetor 2016 në Asamblenë e Përgjithshme të Kombeve të Bashkuara për rezolutën e hapjes së negociatave për traktatin e ndalimit të armëve bërthamore. Informacioni është kërkuar edhe mbi arsyet dhe argumentet e marra në konsideratë për formulimin e qëndrimit, si dhe konsultimet e zhvilluara me vendet partnere për këtë rezolutë.
Deri më sot nuk ka patur asnjë informacion apo shpjegim me shkrim apo verbal të ardhur nga Ministri i Punëve të Jashtme për Presidentin e Republikës.
Institucioni i Presidentit të Republikës kërkon nga Ministri i Punëve të Jashtme të mos dezinformojë strukturat e Kuvendit të Shqipërisë dhe opinionin publik me të pavërteta, veçanërisht për çështje kaq thelbësore për marrëdhëniet e Shqipërisë me vendet aleate strategjike dhe partnere në NATO, ndaj ftojmë Ministrin e Jashtëm të bëjë publike shkresën të cilën ai pretendon se ka informuar në rrugë institucionale Presidentin e Republikës!”
Kështu kjo histori vazhdoi deri në fund të mandatit të Presidentit, Bujar Nishani duke reaguar dhe ai duke adresuar fyerje, sharje dhe mashtrime në drejtim të tij dhe institucionit të Presidentit si tërësi.
Që kjo nuk është rastësi, do të konfirmohet edhe me pasardhësin e Bujar Nishanit, ministrin më të suksesshëm të Jashtëm, të madhin dhe të zotin, Ilir Meta, siç e prezantonte Ditmiri sa Ilir Meta nuk ishte futur në Presidencë.
Sapo shkeli në këtë institucion, dhe LSI nuk ishte më pjesë e koalicionit, degjenerimi i Ilir Metës në publik u ringjall.
“Ligji e përcakton qartë se kush është autoriteti që jep plotfuqinë. është Ministri i Punëve të Jashtme, ndërsa presidenti jep autorizim. Sepse edhe ai i shkreti e dinte gabim plotfuqinë,” shprehet Bushati për Presdentin Ilir Meta në Komisionin e Jashtëm ndërsa ishte ftuar në shkurtin e vitit 2018 për të raportuar për Marrëveshjen me Geqinë dhe Presidenti kërkonte detaje për ti dhënë autorizimin Ditmir Bushatit që ti falë Detin Greqisë meqë Gjykata Kushtetuese më nuk ekzistonte.
Ky raportim para Komisionit të Jashtëm, ndonëse ishte fokusuar në përplasjen Bushati-Meta nuk mori vëmendjen e mediave dhe iku si pa dashje pa u theksuar. Por, djalli fshihet në detaje.
Ata që Ditmir Bushatin e akuzuan gylenist, akuzat i kishin të kopsitura vetëm drejtë një njeriu, që lidhje me misionin diplomatik në Turqi dhe Kanada, por ja çfarë tha Bushati pikërisht në këtë Komision, ku në fjalimin e tij të stërgjatur ndërsa garantonte Marrëveshjen me Greqinë bazuar në Koventa dhe vendimmarrjen e gjykatës Kushtetuese, ngatërronte Sali Berishën dhe ata që në vitin 2009 debatuan për konsistencën, citoi Presidentin Meta:
“Ministri i Jashtëm i vitit 2010, Ilir Meta që thotë: I bëj thirrje Edi Ramës mos t’i bëjë shantazh gjykatës se kjo është një marrëveshje e shkëlqyer. Sot, unë me gjithë maturinë institucionale, i shoh aktorë të ndryshëm që nuk e di pse dhe çfarë kauze i ka bërë së bashku. Janë bërë flamurtarët më të mëdhenj të vendimit të gjykatës Kushtetuese të cilin e kanë akuzuar si një vendim të korruptuar, si një vendim që ishte nxitur nga turqit, nga doktrinat e Davutoglu etj. etj.” tha Ditmir Bushati duke vlerësuar Presidentin e Republikës kur nuk i kurseu komplimentet për kryeministrin grek në konferencën e shtypit para një jave por, përfundoi ai, do të kishte qenë në dinjitetin e Presidentit të mos kursente komplimentet edhe për punën e mirë që është bërë deri tani, duke shoqëruar me dyshimin që kjo punë duhet të vazhdojë deri në fund dhe duhet të verifikohet deri në fund si e tillë.
Por jo gjithçka përfundoi në këtë Komision. Ditmir Bushati akuzoi Ilir Metën se me veprimet e tij që kishte anuluar vizitën e kryeministrit grek Alexis Tsipras në Tiranë ndërsa në qershorin e vitit 2018, nga Shkodra, aty ku nuk flet gjuhën letrare, lëshon një akuzë edh emë të rëndë:
“Personalisht kam qenë një nga njerëzit që kam dhënë kontributin politik në 2013 dhe reforma në drejtësi ka qenë në agjendën tonë. Dhe për shkak të funksionit që mbaj gjerësia dhe thellësia e reformës ka qenë insistim i kryeministrit Rama.
Sikurse mund të them se koalicioni ynë i mandatit 2013-2017 ishte në fije të perit për shkak të përplasjes që ekzistonte për reformën në drejtësi,” thekson Ditmir Bushati duke akuzuar LSI-në se kundërshtonte këtë reformë, parti kjo e koalicionit qeverisës që drejtohej nga i plotfuqishmi Ilir Meta.
Sot, pse Ilir Meta mbronë Ditmir Bushati nuk është thjeshtë ndërkombëtare, komplotiste ose thaçiste. Sa për veto, këtë e din të gjithë se e kanë kot, nuk bëjnë gjë , aq sa bënë me gjeneral Lleshajn. Sido që të vete puna, si Likja ashtu edhe Dhimitri i Kotziasit për një gjë ia arritën qëllimit, e përdhosën Institucionin e Presidentit në atë masë sa si shteti ashtu kombi shqiptar turpërohen që kanë President; Dhe, duke mos harruar Aleancën NATO si armiken kryesore të komunistëve, që vazhdon e turpërohet me Shqipërinë si shtet anëtar që ka një Komandant të Forcave të Armatosura me të cilin tallet çdo bushat e ballë….
