Djegia e makinës së Zv/Kryeministrit Artan Grubit, policia jep detaje

Ministria e Punëve të Brendshme e Maqedonisë së Veriut ka konfirmuar se mëngjesin e sotëm në rrugën Strumiçka në Shkup është djegur një automjet, që është makina private e Zv/Kryeministrit Artan Grubit por jo në emër të tij.

“Sot (22.07.2023) në SPB Shkup është raportuar se rreth orës 03:30 në rrugën “Strumiçka” ka rënë zjarr në automjetin e pasagjerëve “Audi” me targa të Shkupit, në pronësi dhe parkim të B.L.(35) nga Shkupi. Zjarri është shuar, nuk ka të lënduar, ndërsa kontroll është kryer nga ekipi inspektues i SPB Shkup,” thuhet në komunikatën e MPB të Maqedonisë së Veriut.

Ndryshe, Artan Grubi është Zv/Kryeministri më i urryer ndër shqiptarë që nga përfundimi i luftës së vitit 2001, madje në një takim të fraksionit të BDI, “Grupi i Zjarrit”, në Luboten, qytetarët shqiptarë kanë kërkuar organizimin e një peticioni gjithëpopullor: Artan largohu!