Dokumenti/ “Kryevepra” e kreut të SPAK, Agron Tufa: Po t’i prishje moralin komunist…
Deri sa në Tiranë vazhdon debati nëse ishte apo jo hetues i diktaturës komuniste, Kryetari i sapozgjedhur i SPAK, Arben Kraja, Ish-Drejtori i Institutit për Krimet dhe Pasojat e Komunizmit, Agron Tufa, publikon një procesverbal të datës 27 korrik 1990, ku urdhërohet arrestimi i Beniamin Bizit nga Shkodra, me akuzën për “kryerjen e veprave që bien në kundërshtim me normat e moralit komunist” i firmosur nga hetuesi Arben Kraja.
Dhe, sipas këtij urdhëri për arrestim i cili ishte firmosur nga Kryetari aktual i Prokurorisë Speciale, shkodrani kishte bërë një vepër të rëndë, kishte udhëtuar nga Shkodra drejt Tiranës.
Reagimi i plotë i Agron Tufës:
Ja pra “kryevepra” e kreut të sapozgjedhur të SPAK-ut, Arben Krajës, që të bënte gjëmën, po t’i prishje “moralin komunist”:)) Nga procesverbali i ndalimit të bashkëqytetarit të vet, shkodranit Beniamin Bizi… Dhe ky ortodoksalizëm fanatik, demonstrohet pasi kanë ikur jashtë 6000 qytetarë që shpërthyen ambasadat, me datën e dokumentit 27. 7. 1990! Ç’të thuash më? Meqë deshët fakte…
Këtij ju thoni t’i besojmë!? Dhe mendoni: janë dashur mbi 3 vjet seleksionim, kontroll figure (veting) për të na nxjerrë këtë kristal të kulluar, llagarin e partisë!
Ndalemi me kaq, se ka më…
