Shtet i mbaruar/ Rama me Vuçiçin, Meta me Sorosin!
Deri sa Kryeministri Edi Rama ishte në takim me Presidentin e Serbisë, Aleksandar Vuçiç në përpjekje për ta bashkuar Shqipërinë me Serbinë, Presidenti i Republikës, Ilir Meta, ndonëse tha se ishte një Avni Rrustem na doli thjeshtë një Enver Hoxhë, i cili nuk e ka për gjë ta takoj edhe komplotistin që synonte, sipas Metës, kapjen totale të shtetit, në Shqipëri por jo vetëm në Shqipëri . Dhe jo vetëm kaq!
Komplotisti na u bë Zotëri sapo shkeli në Presidencë, dhe me njeriun i cili po përgatiste destabilizimin e Shqipërisë dhe dihet që është njëri ndër bashkëpunëtorët më të ngusht të Edi Ramës, Presidenti i Republikës, Ilir Meta sot foli për përpjekjet e Qeverisë Rama për kapjen e institucioneve të drejtësisë, në veçanti Gjykatës Kushtetuese, si dhe për përkeqësimin e lirisë së medias.
Zëdhënësi i Presidentit, Tedi Blushi, sqaroi se takimi është zhvilluar me kërkesë të vetë djalit të Soros dhe drejtorit ekzekutiv të Fondacionit për “Shoqëri të Hapur” në Shqipëri, Andi Dobrushi.
Ja statusi i plotë:
Presidenti i Republikës, Ilir Meta priti në një takim me kërkesë të tyre Zëvendës presidentin e Fondacionit “Shoqëria e Hapur”, z.Aleksandër Soros dhe Drejtorin Ekzekutiv të zyrës së Fondacionit në Shqipëri, z.Andi Dobrushi.
Presidenti Meta i njohu me shqetësimet e Tij, të bëra edhe publike, për përpjekjet e qeverisë për kapjen e institucioneve të drejtësisë, e sidomos të Gjykatës Kushtetuese, për përkeqësimin e lirisë së medias, si dhe për domosdoshmërinë e gjallërimit të shoqërisë civile në mbrojtje të vlerave demokratike dhe të drejtave të njeriut.
