Dorëzimi i mandateve/ Paqartësi, Soreca: Më shumë se ç’kemi menduar!

Pas dorëzimit të mandateve nga deputetët e opozitës, Ambasadori i Bashkimit Europian në Tiranë, Luigi Soreca, e pranoi se do të duhet më shumë kohë se që e kishin menduar për këtë moment  paqartësie.

“Javën e kaluar thashë që vendimi për të djegur mandatet mund të krijonte një moment paqartësie, dhe do të duhet kohë përpara se të vijë kjo siguri nga KQZ  dhe KQZ do t’i duhet kohë më shumë se ç’kemi menduar. Prandaj kemi thënë që djegia e mandateve do të ishte kundër prodhuese për demokracinë.”

Me këtë rast ai përsëriti edhe refrenin e Brukselit që flet dhe nuk zgjidhë asgjë:

“Ne presim që çdo protestë të jetë e paqësore dhe pa dhunë pasi nuk është e mirë për Shqipërinë  dhe reputacionin e saj” Ndryshe, nesër në Tiranë pritet të vijë një delegacion nga Komisioni Parlamentar për Çështjet e Jashtme pranë PE ku do të zhvillojnë takime me qeverinë, opozitën dhe shoqërinë civile. Të enjten ata do të kenë një konferencë për shtyp pasi ti dëgjojnë të dyja palët.