DPRRTSH: Ja cilat mjete lejohen të importohen dhe regjistrohen!

Drejtoria e Përgjithshme e Shërbimit të Transportit Rrugor, DPSHTRR, ka bërë të ditur sot për të gjithë drejtuesit e mjeteve se cila është kategoria mjedisore që duhet të përmbush mjeti për t’u importuar apo regjistruar në Shqipëri.

Sipas DPSHTRR-së, lejohen të importohen apo regjistrohen mjete të kategorisë EURO 4 e sipër.

“Euro 4, autoveturat e përdorura, të gjitha ato që nuk janë me 0 km dhe që janë regjistruar më parë për qarkullim në rrugë në një shtet tjetër. Euro 3 e sipër dhe me moshë jo më shumë se 15 vjet mjetet motorike të tjera të përdorura si: autobusë dhe automjete për transport të përzier (ATP, ATV, APV) të kategorive M2 dhe N1, të gjitha ato që nuk janë me 0 km dhe që janë regjistruar për qarkullim në rrugë në një shtet tjetër më parë, të cilat përmbushin normën EURO 3 dhe duhet të jenë prodhuar jo më shumë se 15 vjet para datës së regjistrimit të parë në Shqipëri”, thekson DPSHTRR.

Data e regjistrimit të mjetit është data e targimit në DPSHTRR. Në datën e regjistrimit, targimit për qarkullim në Shqipëri, mjetet e kësaj kategorie duhet të jenë jo mbi 15 vjet nga data e prodhimit.

Afati i fundit për regjistrimin dhe targimin e mjeteve me vit prodhimi 2008, është 31 Dhjetori 2023!

Kujdes, në rubrikën (B), të dokumentit teknik, paraqitet data e regjistrimit për herë të parë të automjetit dhe jo data e prodhimit të tij.