Cenohet Projekti i Alabbar në Durrës, Edi Rama urdhëron Bashën të shkarkoj 4 deputetë të PD!
Në momentin kur deputetët e Grupit Parlamentar mblodhën firmat për të shkarkuar kryetarin e tyre, Enkelejd Alibeaj, Kryeministri Edi Rama e vlerësoi si cenim të zbatimit të projektit të kreu të kompanisë “Eagle Hills”, Mohamed Alabbar, për Portin e ri turistik të Durrësit, dhe nuk lejoi ti përsëritet historia e zvarritjes së Alabbar si me vëllaun e tij serb, Aleksandar Vuçiç në Beograd, por, pa humbur kohë ndërmorri masa në mënyrë që të mos ketë pengesa në procedurat parlamentare.
Me një urdhër suprem, Edi Rama detyroi llumin opozitar Lulzim Basha që të urdhëroi hyzmeqarin e tij Enkelejd Alibeaj, që të përjashtoi deputetët Tritan Shehu, Oerd Bylykbashi, Belind Këlliçi dhe Agron Shehaj për të “zhdukur” shumicën e krijuar që kërkon shkarkimin e Alibeajt!
Ndonëse një Grup Parlamentar me dy ish-ministra të drejtësisë dhe një jurist ndërkombëtar si Lulzim Basha, përjashtimi i këtyre katër deputetëve ka një arsyetim që nuk ka të bëjë me realitetin përveç pasaktësive tjera, duke theksuar se “ka përfunduar afati 1-vjeçar për distancimin publik nga aktet e dhunës në PD më 8 janar të vitit të shkuar”.
Meqë ky llum tashmë konfirmohet se është fajtori kryesor pse PD është në opozitë, sot shohet qartë se nuk njeh as akte juridike dhe as vendime që i njeh protokolli dhe arkivi, dhe i referohet mbledhjes së Kryesisë së PD më 10 Janar:
“Sot, më datë 10.01.2023, ka përfunduar afati 1 vjeçar për distancimin e plotë dhe publik nga aktet e dhunës ndaj Partisë Demokratike të deputetëve të pezulluar Tritan Shehu, Oerd Bylykbashi, Belind Këlliçi dhe Agron Shehaj. Në mungesë të aktit të distancimit, sipas vendimit nr.1 dhe nr. 1/1, datë 10.01.2022 të Kryesisë së Partisë dhe konfirmimit të Këshillit Kombëtar dhe Grupit Parlamentar të Partisë Demokratike në mbledhjen e datës 15.01.2022, nga sot hyn në fuqi masa e largimit zyrtarisht të tyre nga Grupi Parlamentar.
Për këtë qëllim, është njoftuar zyrtarisht Kuvendi i Shqipërisë që deputetët Tritan Shehu, Oerd Bylykbashi, Belind Këlliçi dhe Agron Shehaj nuk janë më pjesë e Grupit Parlamentar të Partisë Demokratike duke filluar nga data 11.01.2023,” thotë në vendimin e tij të urdhëruar nga Edi Rama, Enkelejd Alibeaj.
Por, si qëndron e vërteta!
Kryesia e Partisë Demokratike, në mbledhjen e cila filloi më 10 Janar 2021, dhe përfundoi në orët e para të datës 11 Janar 2022, me propozimin e Kryetarit Lulzim Basha, unanimisht vendosi:
1. Dënimin me forcë të akteve të dhunës, gjuhës përcarëse dhe retorikës që nxit konfliktin mes demokratëve.
2. Përjashtimin nga Partia Demokratike, dhe ku është rasti nga të gjitha funksionet drejtuese dhe nga Grupi Parlamentar i Partisë Demokratike, të anëtarëve që kanë organizuar, nxitur, urdhëruar apo ushtruar dhunë si më poshtë:
1. Sali Berisha
2. Flamur Noka
3. Edmond Spaho
4. Albana Vokshi
5. Bujar Nishani
6. Arben Ristani
7. Rigels Muçollari
8. Keltis Kruja
9. Klevis Balliu
3.Pezullimin me efekt të menjëhershëm nga anëtarësia në Partinë Demokratike, dhe ku është rasti nga të gjitha funksionet drejtuese dhe nga Grupi Parlamentar i Partisë Demokratike, deri në distancimin e plotë dhe publik nga aktet e dhunës ndaj Partisë Demokratike, dhe veprimeve që dëmtojnë interesat elektorale apo politike të Partisë Demokratike, të:
1. Agron Shehaj
2. Aldo Bumci
3. Belind Këlliçi
4. Blendi Himçi
5. Clirim Gjata
6. Edi Paloka
7. Edith Harxhi
8. Eno Bozdo
9. Ervin Minarolli
10. Genc Deromemaj
11. Genc Pollo
12. Gent Strazimiri
13. Ivi Kaso
14. Ledina Mandija
15. Lorenc Luka
16. Luan Baçi
17. Mimoza Hajdrmamataj
18. Oerd Bylykbashi
19. Tritan Shehu
Pra, nuk ka as afat 1 ditor, as 1 mujor dhe as 1 vjeçar, siç e ka arsyetuar ish-ministri i Drejtësisë në vendimin e tij dhe e ka depozituar ashtu siç është urdhëruar nga Kryeministri, në Kryesinë e Parlamentit, që normalisht do zyrtarizohet me shumicë votash nga mazhoranca komuniste e Edi Ramës.
Ndryshe, mësohet se pavarësisht se çfarë raportojnë mediat e Edi Ramës, i cili si gjithmonë nuk lexon shkresat fare por dëgjon Fugën, në grupin e deputetëve që kanë firmosur propozimin e shkarkimit të Enkelejd Alibeajt nga Grupi Parlamentar dhe zgjedhjen e Ervin Salianit për Kryetar të ri të Grupit, nuk figurojnë asnjëri prej deputetëve që shkarkon “Alibeaj”, pavarësisht masave të Edi Ramës për të garantuar procedurat parlamentare për Alabbar dhe portin e tij!
