Drejt shuarjes, Zv/Kryeministrja Balluku: Bordi i Transparencës nuk e ul dhe as nuk e ngre çmimin!

Shkrirjen e Bordit të Transparencës e konsideron një vendim të mirëpritur, por, Zv/Kryeministrja dhe Ministrja e Infrastrukturës dhe Energjisë, Belinda Balluku, duke e pranuar se meqë çmimi është stabilizuar ka një diskutim për ndalimin e funksionimit të Bordit, thotë se kjo është një çështje që i përket ministrisë së Financave.

“Bordi nuk ka synim të lehtësoj kostot, por transparencën. Bordi nuk vendos dhe as nuk e ul dhe as nuk e ngre çmimin. Por bën transparente metodologjinë. Se ka një bursë dhe përmes kësaj metodologjie vendoset çmimi tavan. Bursën nuk e lëviz as topi. Bordi mblidhet kur ka ndryshim çmimi. Nuk e vendosim dot ne se kur mblidhet bordi,” tha Balluku duke i dhënë fund thashethemeve mbi arsyet e shkrirjes së Bordi, i cili pavarësisht se çfarë thotë Zv/Kryeministrja vetëm qytetarit nuk i shërbeu:

“Duke qenë që çmimi është stabilizuar, kemi një diskutim për ndalimin e të funksionuarit. I përket Ministrisë së Financave dhe do jetë i mirëpritur si vendim. Shteti do të monitoroj edhe nëse bordi nuk do të jetë ekzistues.”