Drejtoria e Përgjithshme Detare: Nga 27-30 dhjetor moti do të përkeqësohet. Të merren masa…

Duke paralajmëruar se nga 27-30 Dhjetor pritet përkeqësimi i motit, Drejtoria e Përgjithshme Detare thekson se ai do të shtrihet në gjithë bregdetin tonë.

“Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmerisë së ekuipazhit në mjetet lundruese,” thekson Drejtoria e Përgjithshme Detare përmes një njoftimi duke përfunduar:

Siguria juaj prioriteti ynë!

Ndërkohë është pezulluar lundrimi i mjeteve të vogla lundruese dhe ato të peshkimit në portin e Vlorës  përgjatë 72 orëve të ardhshme, si pasojë e përkeqësimit të kushteve të motit, kryesëisht erës së fortë të reshjeve të shiut dhe dëborës përgjatë gjirit bregdetar.

Përmirësimi i kushteve hidrometeorologjike pritete të jetë në datën 30 dhjetor pas orës 22:00, ku dhe do të rithkehet aktiviteti normail i punës së portit të qytetit bregdetar.

Njoftim:

Në datën 27-30 dhjetor 2020 moti do të përkeqësohet. Bregdeti ynë do të përfshihet nga era me drejtim jug dhe jug -perendim me shpejtësi që varion nga 10-20m/s dhe forca e detit do të variojë nga 5-8 shkalla bufort, kurse lartësia e dallgës do të jetë 1.50 -2.50 m.

Moti i përkeqësuar do të shtrihet në gjithë bregdetin tonë.

Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmerisë së ekuipazhit në mjetet lundruese.

Siguria juaj prioriteti ynë!