Duke pritur BE-në/ Aromë dështimi, Rama: Kemi Brukselin PRO dhe Presidentin tonë KUNDËR
Pas publikimit të letrës së Presidentit të Republikës, Ilir Meta, për BE ndonëse e ka të qartë se zyrtarët evropian nuk kanë kurrfarë respekti për Metën, Kryeministri Edi Rama reagon duke theksuar se për herë të parë në historinë e zgjerimit të Bashkimit Europian një vend kandidat ka Brukselin pro dhe Presidentin e vet kundër.
“Shqipëria mund ta marrë mund të mos e marrë PO-në që meriton nga Këshilli Europian, po ama kurimi deri në fund i sëmundjes dërrmuese që i ka ngrënë trupin e shpirtin prej 30 vjetësh, as mund dhe as do ndalet dot me kriza të turpshme të provokuara nga terapia e Reformës në Drejtësi!” thekson në reagimin e tij përmes rrjetit social Twitter, Edi Rama edhe pse kjo Reformë ka kohë që ka dashtuar ashtu si dhe përzgjedhja që bëri ai për Presidentin e Republikës ndërsa shton:
“Sa nisi terapia intensive e Reformës në Drejtësi nisi dhe reaksioni me temperatura të larta në organizmin e shtetit të sëmurë prej kancerit të korrupsionit! Përpëlitjet e ethshme me bojkote, molotovë, dekrete janë thjesht pasoja të intensitetit të terapisë mbi kancerin.”
Në fund, pas mesazheve që erdhën nga CDU/CSU ku çelja e negociatave mbanë erë dështimi pavarësisht luftës për pushtet në mes të Edi Ramës dhe Ilir Metës, Rama filloi ta gjuajë topin për dështimi nga ana e mikut të tij Meta:
“Për herë të parë që nga krijimi i Bashkimit Europian një president çon letra në Bruksel për të minuar urën mes Europës e vendit të tij! Për herë të parë në historinë e zgjerimit të BE një vend kandidat ka Brukselin PRO dhe Presidentin e vet KUNDËR vendit e KUNDËR vetë Brukselit”, shkruan Rama.
Ndryshe, dje Presidenti i Republikës, Ilir Meta, publikoi letrën dërguar Komisionerit për Zgjerim pranë BE, Oliver Varhelyi, duke bërë dhe Sorecën e Bashkimit Europian ndërsa e sqaron se mazhoranca socialiste kërkon të prishë balancat me qëllim marrjen nën kontroll të Gjykatës Kushtetuese.
“Nuk mund ta fsheh keqardhjen në lidhje me fotografimin e fakteve lidhur me procesin e krijimit të Gjykatës Kushtetuese për të cilën thoni: ‘Ka një mosmarrëveshje në lidhje me të fundit anëtarë të nominuar si pasojë e një interpretimi të procedurave të emërimit nga Presidenti Republikës’. Padiskutim ka një mosmarrëveshje, në lidhje me procedurën e emërimit të gjyqtarëve kushtetues, por kjo vjen nga interpretimi i ndryshëm prej shumicës qeverisëse e cila tenton të kapë Gjykatën kushtetuese të vendit duke e shtuar këtë krizë Sui Generis në Shqipëri.
Si për ti komplikuar gjërat më keq, ju duhet të dini se kjo mazhorancë ka miratuar në Parlament një ligj anti kushtetues duke ndryshuar rregullat për betimin e anëtarëve të Gjykatës Kushtetuese tek Presidenti i Republikës, siç parashikohet në Kushtetutë,”thekson Ilir Meta në letrën e tij drejtuar Komisionerit Varhelyi.
