Duke pritur Trumpin/ Drejtësia digjet – Edi Rama krihet, Ambasada e SHBA hesht!
Të mësuar me reagimin e Ambasadës së SHBA në Tiranë për çdo gjë që ndodhte në Shqipëri, kur hidhej ndonjë fjalë kundër SPAK-ut e madje edhe kur teshtinte pak si fortë nga ballkoni, Kryetari i Partisë Demokratike, Sali Berisha, sot shqiptarët nuk mbajnë sytë nga qielli por nga Amerika, aty ku është zgjedhur Presidenti i ri dhe ndoshta edhe mund të shpëtoj çka mund të shpëtohet nga Drejtësia e re që e ka financuar, mbikqyrur dhe degraduar me duart e veta, Ambasada e Shteve të Bashkuara, duke i dhënë leje regjimit të Edi Rama t’i jap dhe kazmën e fundit!
Shqiptarët, që ishin dëshmitar se me arrestimin e parë të një zyrtari të regjimit të Edi Ramës në Zyrë, pasi të gjithë të tjerët u paralajmëruan, dhanë dorëheqje dhe u arrestuan si “ish” e ca prej tyre u larguan fare nga ky vend, e gjithë Drejtësia e Re për të cilën foli me shumë zell Ambasadorja e SHBA, Yuri Kim, u shkërmoq për disa minuta!
Drejtësisë së Re, i gjithë i regjimi i Edi Ramës iu vu kundër sapo Kryetarit të Bashkisë, Erion Veliaj, iu vunë prangat dhe gjithë shpresa shqiptare u varros si për një SPAK që do të spastroj politikën ashtu dhe një Polici të Shtetit për të cilën jo qytetarët, por sondazhet proklamonin se qytetarët kanë besim të madh.
Dhe, shqiptarët nuk kishin arsye të prisnin Godonë, as Samuel Beckettin, kur konflikti SPAK-Polici u hap ndërsa sondazhi i Euronews që tashmë ka besimin në popull i thotë se institucioni më i besueshëm në Shqipëri është Ambasada e SHBA – 48.1% ndërsa SPAK-u dhe Policia e Shtetit në konflikt, 42.2% përkatësisht 40.1%.
Çuditërisht Ambasada e SHBA heshti! Heshti në mbrëmjen e 12 shkurtit edhe kur u sulmua furgoni me të arrestuarin Erion Veliaj në GJKKO, dhe prokurorët e SPAK dhe gjyqtarët e GJKKO u sulmuan me gurë, dhe Policia e Shtetit refuzoi ti mbrojë!
Dhe, jo vetëm kaq! Heshti edhe kur Ministri i Brendshëm dhe Policia e Shtetit deklaruan se nuk kishte tension dhe probleme para GJKKO kur po vlerësohej masa e sigurisë së Kryetarit të Bashkisë Tiranë, kur të gjithë e panë “live” në ekranet televizive ndërkohë SPAK e GJKKO i ishte drejtuar kësaj policie me shkresë duke i dhënë detaje për të gjitha ato që ndodhën në mbrëmjen që futi në varrë edhe shpresat e atyre pak shqiptarëve që ishin të qartë se sondazhi ishte i ekzagjeruar!
A ka sot shpresë, kur Kryeministri Edi Rama vazhdon dhe sulmon SPAK-un duke e kërcënuar edhe me shkrirje vetëm pse Erion Veliaj është në burg, kur ky i fundit e sulmon SPAK-un si askush deri më sot, kur nuk bëhet fjalë për media të lira por të terrorit komunist, shqiptarët shohin vetëm një shkëndijë nga Shtëpia e Bardhë, modelin e USAID-it!
A mund ti ndodhë kjo Ambasadës së SHBA në Tiranë?!
Këtë askush nuk mund ta thotë me siguri në këtë botë të trazuar kur Presidenti i ri i SHBA, Donald Trump, ka edhe shumë punë prioritare për zotimin “Amerika e para”! Gjithsesi, shqiptarëve u mbetet të presin vetëm këtë ditë sepse dramën e Estragonit me Vladimirin, jo vetëm e kanë lexuar por e kanë përjetuar.
Duke pritur Godonë, Estragoni e pyet Vladimirin “ku ishe”, tjetri përgjigjet “atje”, në pyetjen tjetër “me kë ishe”, përgjigja ishte “me ata”, dhe kur në fund e pyet “kur ishe”, ai përgjigjet “atëherë”.
Në dramën shqiptare ky ishte një dialog i përditshëm me Sigurimin e Shtetit, kur qytetarët e Shqipërisë ishin duke pritur Amerikën!
Sot shqiptarët presin Presidentin Donald Trump, sepse çuditërisht edhe kur Amerika është në tokën shqiptare, Sigurimi i Shtetit nuk ka ndaluar dhe i ka lejuar vetes të merrë hapur me gurë edhe Drejtësinë e Re që po kjo Amerikë u tha se ishte produkt i saj!
Dhe, detyron gjyqtaren e Apelit të GJKKO, Ilirijana Olldashi, të “sëmuret” para se të shkelë në këtë gjykatë Zonja e Lali Erit, Vjehrra dhe në fund edhe vetë Kryetari i Bashkisë Tiranë, i arrestuar për 10 vepra penale!
A ka rrugë tjetër?! Këtë vetëm Sigurimi i Shtetit është e qartë se nuk e dinë, sepse është i vetmi që ka marrë kot dhe as që mund ta imagjinoj epilogun e kësaj drame shqiptare nëse nuk vihet nën kontroll nga Amerika…
