Dy muaj pas tërmetit, Basha në Shkozet: Nuk ka asnjë ndryshim! Vetëm llafe dhe propagandë…

Kryetari i Partisë Demokratike, Lulzim Basha, pasi u takua sërish në Shkozet me banorët e braktisur nga shteti, të cilët nuk kanë marrë as bonusin e qerasë edhe pse kanë kaluar dy muaj nga tërmeti, konstaton se nuk ka asnjë ndryshim.

Banorët thanë të revoltuar se pallatet e tyre janë shumë të dëmtuara, por bashkia, pa bërë vlerësim me ekspertizë, u ka thënë të futen brenda.

Për liderin e opozitës, kjo situatë pasigurie tek njerëzit, 2 muaj pas tërmetit, është fatura e dështimit dhe e propagandës së qeverisë.

“Nuk ka asnjë ndryshim, ka dy muaj. As vlerësim të dëmeve, dhe as faturën e dëmeve. Kemi vetëm llafe dhe vetëm propagandë. Jam shumë i shqetësuar, sepse kjo po fillon të futet në dismensionin e tretë të krizës. E para shëndeti i të sëmurëve, të moshuarve dhe të fëmijëve, e dyta gjendja e biznesi për të cilën dua të njihem realisht se çfarë po ndodh dhe impaktin që ka në ekonominë e Durrësit dhe e treta.”

Ndërkohë që fillon viti buxhetor, Kryetari i Partisë Demokratike, Lulzim Basha, në takim me banorët e Shkozetit shprehet:

“Lëvrohen 150 milionë dollarë për oligarkët, ndërsa për njerëzit presin konferencën e donatorëve për të dhënë bonuset e qerasë dhe për të dëmshpërblyer shtëpitë.”