“Paketa Antishpifje”/ Taulanti dhe PS tërhiqen, marrin zvarr dhe Opozitën e Edi Ramës
Injoruan Dekretin e Presidentit të Republikës i cili e ktheu për rishqyrtim në Parlament “Paketën Antishpifje”, me arsyetimin se cenon të drejtën për informacion dhe lirinë e shprehjes, të drejta këto që mbrohen nga Kushtetuta dhe aktet ndërkombëtare majd edhe kërcënuan hapur pa u shpreh Presidenti se do ta miratojnë në Parlament, nuk përfillën as kërkesën e Këshillit Evropës drejtuar Komisionit Venecias duke e kaluar në Komisionin e Ligjeve, por sot gjithçka u përmbys dhe Kryetari i Grupit Parlamentar të Partisë Socialiste, Taulant Balla, kërkoi që votimi për rrëzimin e Dekretit të Presidentit të shtyhet. Arsyeja është shumë me çuditshme se gjuha biologjike që ka dhe e përdor Taulan Balla:
“Historia e informaliteti në sektorin e medias duhet të marrë fund njëherë e përgjithmonë. E mora fjalën për të informuar Kuvendin, që edhe pas miratimit të paketës ‘Anti-Shpifje’ ne kemi komunikuar me partnerë të rëndësishëm të Shqipërisë. Ne jemi anëtarë prej vitesh në Këshillin e Europës. Dua të ndaj me ju se me reporterët, kemi qenë në komunikim të vazhdueshme për disa çështje dhe kemi vendosur që të kërkohet një opinion më i thelluar nga institucioni që ne shqiptarët e kemi gjithëpranuar, jo vetëm ne, sikur se është Komisioni i Venecias. Dua t’ju informojë se sapo më ka ardhur komunikim nga Komisioni i Venecias. Komisioni i Venecias ka pranuar që ta shqyrtojë me procedurë të përshpejtuar në sesionin e 21 marsit. Gjatë muajit shkurt përfaqësues të Komisionit të Venecias do të vinë në Trianë për të dialogur me ne, me këdo. Votimi i dekretit për mediat audiovizive, diskutimi për të të shtyhet, deri sa Komisioni i Venecias të na sjellë raportin e vet, më 20-21 mars,” tha Taulant Balla pa u skuqur për ato që tha ditë më parë ndërsa bindi shqiptarët se sot Dekreti i Presidentit do të rrëzohet.
Pas shfaqjes absurde ka reaguar deputetja e Opozitës së Edi Ramës, Rudina Hajdari, e cila duke vazhduar të mendoj se ka njerëz në parlament edhe që e dëgjojnë, e kundërshtoi shtyrjen me arsyetimin se deputetët janë përgatitur dhe duan të flasin.
“Atëherë çfarë të bëjmë thoni ju, të mos presim opinionin e Venecias,” e pyeti shoku Gramoz, reagoi Taulanti duke e cilësuar qëndrim të pakuptimtë dhe të pavend të opozitës, gjë që bëri të ndërprehet seanca për pesë minuta.
Epilogu i këtij debati ishte epik për parlamentarizmin botëror. Shoku Gramoz kërkoi folësit të marrin fjalën, Rudina Hajdari dhe Myslym Murrizi u zhdukën nga salla dhe për pasojë rrëzimi i Dekretit të Presidentit i cili e ktheu për rishqyrtim në Parlament “Paketën Antishpifje”, u shty deri në marrjen e mendimit nga Komisioni Venecias.
