Dyshimet / Deputetja e PS favorizoi një prej kandidatëve të KLGJ-së, gati padia …

Një deputete e Partisë Socialiste mund të paditet në Prokurorinë e Përgjithshme nga opozita nën dyshimet se ka favorizuar një prej kandidatëve për Këshillin e Lartë Gjyqësor, KLGJ, një nga institucionet kryesore të Vettingut.

PaFrike.al ka mësuar se ligjvënësja e majtë ka favorizuar kandidaturën e një prej anëtarëve aktualë të KLGJ-së, gjatë procesit të përzgjedhjes së kandidaturave.

Ekspertët ligjorë të opozitës po mbledhin faktet dhe provat dhe sikundër pohohet në ditët në vijim, do t’i drejtohen organit të akuzës lidhur me rastin në fjalë. Referuar çështjes, për të cilën mësohet se janë vënë në dijeni edhe ambasadat, opozita pretendon se kemi të bëjmë me një rast flagrant të kapjes apo shtrirjes së influencës në institucionet e reja të drejtësisë.

Bëhet fjalë për një prej deputeteve të reja, e cila nuk ka qenë më parë pjesë e Kuvendit të Shqipërisë, por emri i saj dhe kandidaturës që ka favorizuar, nuk bëhet publik.