Edhe 7 raste, 416 të prekur me koronavirus në Shqipëri

Gjatë 24 orëve të fundit janë testuar 162 persona të dyshuar, prej të cilëve 7 kanë rezultuar pozitiv me COVID-19 duke e çuar në 416 numrin e të prekurve me koronavirus. Duke përditësuar të dhënat, specialistja e Institutit të Shëndetit Publik, Marjeta Dervishi, bënë të ditur se deri më tani kanë humbur jetën 23 persona ndërkohë gjatë 24 orëve 17 persona e fituan betejën kundër COVID-19 duke e çuar numrin e të shëruarve nga koronavirus në 182.

“Në shërbimin infektiv aktualisht janë 50 të shtruar. 6 prej tyre janë në terapi intensive, dhe 1 pacient është i intubuar. Në spitalin COVID 2 “Shefqet Ndroqi”, janë 6 pacientë të shtruar gjithsej, ndërsa 4 pacientë janë të intubuar,” tha Marjeta Dervishi nga ISHP duke shtuar se në dy spitalet COVID aktualisht po marrin shërbim 56 pacientë.

Njoftim

Në 24 orët e fundit janë testuar 162 persona të dyshuar, prej të cilëve janë konfirmuar 7 raste të reja me COVID-19. Deri në këto momente janë testuar 3385 raste të dyshuara dhe prej tyre janë të konfirmuar pozitivë me COVID-19, 416 raste.

Duke ndjekur ecurinë e këtij infeksioni, në grafikun e shpërndarjes së rasteve të dyshuara dhe të konfirmuara me SARS-COV2 sipas ditëve, vihet re një trend i qëndrueshëm i rasteve të konfirmuara.

Betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor.

Gjatë 24 orëve të fundit, 17 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 182.

Ju informojmë se, në shërbimin infektiv aktualisht janë 50 të shtruar. 6 prej tyre janë në terapi intensive, dhe 1 pacient është i intubuar. Në spitalin COVID 2 “Shefqet Ndroqi”, janë 6 pacientë të shtruar gjithsej, ndërsa 4 pacientë janë të intubuar.

Në dy spitalet COVID aktualisht po marrin shërbim 56 pacientë.

Harta e të prekurve nga COVID-19 zgjerohet në Tiranë me 3 raste, Shkodër 4 raste