Edi Rama, kokën n’Beograd, trupin në Athinë!
Edi Ramës deri më sot i ka zënë vend në trupin e tij dymetrosh çdo lloj kostumi, i hajdutit të ikonave, ministrit të kulturës me thonjë të paprerë, fjalimshkruesit të Likes së përmbytur në flori, transportuesit të luleve për Fatos Nanon e sëmurë, kundërshtarit të anëtarësimit të Shqipërisë në NATO, mbrojtësit të hotelit të Dashit të ndërtuar pa leje, të dashurit të Vuçiçit, paditësit të Ramushit, mbrojtësit edhe të Sajme Qorrit me Shqipërinë e kanabizuar, tregtarit të tokës së Kosovës, si dhe ndëshkuesit të parë të Kosovës në Evropë për shkak se mbronte tokën e Kosovës, por, ky i patriotit nuk i rri dot përkundër dhëmbëve që i tregoi Fredi Belerit dhe mitingut në Athinë që me shumë sforco dhe televizionet kombëtare që nuk guxojnë ta thonë asnjë fjalë ndryshe, po mundohet ta shes si një moment të veçantë krenarie për të gjithë shqiptarët!
Që në krye të herës duhet thënë se ky jo vetëm që nuk është moment i veçantë krenarie për të gjithë shqiptarët, por, idiotizëm par exellence, duke pasur parasysh që ky miting i komunistëve shqiptarë po organizohet kur atje po zhvillohet fushata për zgjedhjet evropiane; Dhe, është po aq idiotesk sa prezenca e Albin Kurtit në Shqipëri kur Edi Rama me shpurrën e tij e akuzonte për ndërhyrje në zgjedhje, ose përsëritja e rastit me Maqedoninë e Veriut!
Dhe jo vetëm kaq!
Ky është dhe një moment turpi kombëtar i Edi Ramës i cili po ikë nga përgjegjësia si Kryeministër i Shqipërisë ndërsa po i arrestohen të gjithë bashkëpunëtorët që kanë vjedhur buxhetin e shtetit, duke na thënë se është vetëm Kryeministër i Zahos kur loz në bjeshkë dhe po e zhvendos trupin e tij në panairin patriotik në Athinë, për të na treguar se sa shqiptar që është!
Por, JO! Në pushtet është po ky Edi Rama i cili erdhi duke na shitur kauzën e madhe të mbrojtjes së detit shqiptar në Gjykatën Kushtetuese, dhe kanë kaluar 11 vjet në pushtet e deri më sot ai nuk ka arritur asnjë marrëveshje për përcaktimin e kufirit detar, ndërsa Marrëveshjen që ka në pazar me Athinën zyrtare është shumë më e disfavorshme se sa ajo e Qeverisë Berisha, të cilën e akuzoi për tradhti!
Mori Fredi Belerin dhe e futi në centrifugën e gjykatave të tij duke e degjeneruar po me kauzën patriotike në emër të mbrojtjes së votës shqiptare nga minoritarët që kishin ardhur nga Greqia dhe kishin shpërfillur kërcënimet e tij duke mos votuar kandidatin socialist, ndërkohë babait të ish-kryeministrit grek Mitsotakis i ngriti një bust në tokën shqiptare duke mbyllur sytë mbi keqtrajtimet e këtij njeriu ndaj shqiptarëve sepse tashmë ishte e domosdoshme ngritja në piadestalin më të lartë të servilizmit komunist shqiptar!
Edi Rama mund të shitet edhe si patriot kinez, por me atë shqiptar nuk ka lidhje aq sa kishin paraardhësit e tij. Nga dita e parë që shkeli në Kryeministri paralajmëroi rilindjen, opozita u nxehë kot por ai vërtetë e realizoi rilindjen, jo të shqiptarëve por të serbëve!
Sot, populli më kriminal në Ballkan, serbët, falë politikës së Edi Ramës janë rikthyer dhe pozicionuar në nivelet më të larta evropiane, dhe falë po këtij njeriu që vazhdon dhe mbanë kokën në Beograd, 24 vjet pas keqtrajtimit, përdhunimit dhe masakrimit të popullit shqiptar në Kosovë nga serbët, u ndëshkua Kosova dhe jo Serbia, fillimisht nga Kryeministri i Shqipërisë dhe më pas Bashkimi Evropian, sepse Prishtina zyrtare po mbronte tokën kosovare nga agresioni që po përgatitej, gjë që e realizoi vërtetë më 24 shtator; Dhe, sërish Kryeministri Rama nuk reagoi dhe nuk kërkoi të paktën masë ndëshkuese ndaj Beogradit zyrtar!
Sot, shqiptarët u zgjuan me momentin e krenarisë me të cilin po ekzaltohej Edi Rama sepse konfirmoi vendin e mitingut komunist që do të mbajë në Athinë, dhe lajmi me tekstin e hartuar nga zyra kriminale mediatike e Kryeministrisë u transmetua në të gjitha mediat kombëtare!
Por, për të qëndruar paralajmërimi i Edi Ramës për shqiptarët që kalojnë me të dhe të gjithë ata që shkojnë nga Shqipëria më 12 Maj, se ky do të jetë moment i veçantë krenarie për të gjithë shqiptarët e Greqisë, Kryeministri i tyre nuk duhet ta ketë kokën n’Beograd, trupin në Athinë!
Meqë fatkeqësisht Kryeministri i Shqipërisë vazhdon ta ketë edhe sot e gjithë ditën kokën n’Beograd e trupin në Athinë, shqiptarët që mbijetuan edhe me paraardhësin e tij, Enver Hoxha, janë shumë më të qartë se Edi Rama që tashmë lufton me mullinjtë grekë dhe ikë nga përgjegjësia e vjedhjes së buxhetit të shtetit, duke pasur parasysh atë që shumë kohë më parë e ka thënë Ali Asllani:
“…grushti do të bjeri përmbi krye të zuzarve,
koha është e maskarenjve, po Atdheu i shqipëtarve!”
