Edi Rama në panik/ Beteja vazhdon, Basha: Derisa ta çlirojmë vendin nga kriminelët!

Pas dhunës së shfrenuar ndaj protestuesve para Parlamentit të Shqiptarëisë, ku trajtim të veçantë me gazlotsjellës pa kufi kishte përgatitur për liderin e opozitës, policia e Ish-Gjeneral Sandër Lleshajt, dhe nga ana tjetër kishte nisur në drejtim të protestës gjithë flotën e autoblindave, aty ku policia përveç provokimit tashmë po kërcënonte me dhunë, Lulzim Basha i drejtoi protestuesit në drejtim të selisë së Partisë Demokratike, aty ku i bëri të qartë kryeministrit Edi Rama në panik, se kjo betejë vazhdon, në çdo rrugë, në çdo fshat derisa ta çlirohet vendi nga kriminelët, për ta bërë Shqipërinë si gjithë Evropa.

 “E sotmja hyri në histori si dita e zgjimit kombëtar. Si dita e bashkimit më të madh që bulevardi “Dëshmorët e Kombit” dhe Tirana kanë njohur në historinë e saj dhe për këtë çdo shqiptar sot, çdo brez që vjen ju ka një borxh. Misionarëve të lirisë, misionarëve të demokracisë, misionarëve të Shqipërisë si gjithë Evropa.

Sot më në panik se kurrë kufoma politike e Ramës dhe klikës së tij përshkallëzoi dhunën e paprovokuar të nga qytetarët, për ti shpërndarë e për ti larguar nga rruga e protestës. Por përgjigjen e mori nga populli.”

Me këtë rast Lulzim Basha u zotua se të gjithë ata që kanë përdorur dhunë ndaj nënave dhe motrave shqiptare do të përgjigjen para ligjit:

“Duart e gjata të krimit që dhunojnë baballarët dhe nënat tona do të japin përgjegjësi para ligjit. Për këtë zotohem sot para jush. E gjitha Shqipëria dhe Bota sot kanë parë vendosmërinë e një Shqipëria të bashkuar për vlera evropiane dhe për ti dhënë fund pandëshkueshmërisë. Dita kur do të shkojnë para drejtësisë po afron.”

Lideri i opozitës duke mbyllur protestën e 16 Marsit tha se do ta bëjmë bashkimin tonë dhe protestën tonë të përditshme dhe të përnatshme ndçrsa kishte një mesazh edhe për ndërkombëtarët:

“Pa ju o viganë mbrojtës së lirisë dhe demokracisë , ky vend do të ishte rreshtuar krah vendeve pa të ardhme. Ne do ta hedhim në lumë rrugën e mbrapsht të Edi Ramës. Nuk ka rrugë tjetër përveç protestave popullore. Ishim shumë në 16 shkurt, jemi shumë më shumë sot në 16 mars.

16 shkurti i hapi rrugën jë marshimi popullor që nuk do ndalet kurrë por do vazhdojë dita-ditës të mbledhë energjinë e popullit.

Dua t’i drejtoj një mesazh të qartë miqve tanë perëndimorë. Nuk ka stabilitet pa demokraci, nuk ka stabilitet pa drejtësi, nuk ka stabilitet pa ligj, nuk ka stabilitet pa pabarazi para ligjit. Dëgjojini më pak autokratët e inkriminuar.

Ftesa ime është mos e dëgjoni autokratin e inkriminuar Edi Rama, mos dëgjoni zërin e atij që zhyti vendin në drogë. Dëgjoni zërin e qytetarëve.

Rama kishte vënë bast që protesta sot do jetë më e vogël se në 16 shkurt por e humbi bastin. u fsheh në tunelet e Poliçanit. Kjo që kemi nisur nuk do zvogëlohet, nuk do mpaket. ne nuk do përçahemi, s’do e ulim kokën. Nuk do pranojmë t’i themi legjitime një qeverie të kapur në krim.

Ne do ta vazhdojmë këtë betejë në çdo rrugë, në çdo fshat derisa ta çlirojmë vendin nga kriminelët, për ta bërë Shqipërinë si gjithë Evropa.

Pengesa e vetme është kjo qeveri kriminale. Ka pesë javë që nuk gjen vrimë ku të futet. Le ta bëjmë bashkimin tonë dhe protestën tonë të përditshme dhe të përnatshme. Në Evropë shkohet vetëm me zgjedhje të lira, shkohet duke i dhënë fund pandëshkueshmërisë.”

Ndryshe, takimi i sotëm me historinë, ishte protesta më masive e Shqipërisë në tranzicion, e cila përkundër organizimit shumë të mirë dhe formës “marshim” i dha një leksion  Edi Ramës dhe Ish-Gjeneral Sandër Lleshajt që ishin përgatitur me pengesa me hekura, gazlotjellës dhe autoblinda ti shpërndajnë protestuesit paqësorë, në momentin kur urdhri të vij nga Berati, aty ku Kryeministri po kërciste gishtat.  

Këtë e konfirmon edhe thirrja që policia bëri pasi kishte hedhur galotsjellës pa fund dhe pa kriter, kur të gjithë protestuesit ishin larguar nga hapësira para Parlamentit në distancë deri në 100 metra ndërsa dëgjohej me megafon edhe akti i fundit para se të shpërthej dhuna policore:

TË NDERUAR QYTETARË!

Nga protestuesit po kryhen akte të rënda dhune ndaj punonjësve të policisë, po cënohet rendi publik dhe siguria e qytetarëve.

I NDERUAR ZOTI GAZMEND BARDHI !

Si organizator i tubimit , ju lutemi kërkoni nga protestuesit të ruajnë qetësinë.

Protestuesit duhet të ndërpresin veprimet e dhunshme dhe të shpërndahen.

Ju bëjmë thirrje të distancoheni nga këto veprime të dhunshme

Veprimet e protestuesve janë të kundërligjshme dhe të dënueshme nga ligji penal. Në rast se për 5 minuta nuk do të ndërprisni veprimet e kundraligjshme turma do të shpërndahet forcërisht nga  Policia e Shtetit e cila do të  përdorë forcën dhe mjetet e saj, sipas ligjit.