Dështimi i Presidentit/ Apeli i Metës, Ish-ministri: Presidenti nuk ka ç’pret më! Duhet…

Në pikun e tensionit që krijua nga policia e Ish-Gjeneral Sandër Lleshajt me gazinlostjesllës që përdori sot ndaj protestuesve dhe në veçanti ndaj liderit të opozitës Lulzim Basha, Presidenti i Republikës, Ilir Meta, duke vazhduar ti bëjë fresk kryeministrit Edi Rama, reagoi duke i kërkuar opozitës që të protestoj në mënyrë paqësore.

Në kushtet e një klime shpërthyese dhe pas apelit të çuditshëm të Ilir Metës, ka reaguar Ish-Ministri i Drejtësisë, Ylli Manjani duke theksuar se Presidenti nuk mund të bëjë sikur nuk sheh e nuk dëgjon:

“Vendi është në krizë e cila mund të çojë në përplasje. Detyra e çdo Presidenti në këto kushte është thirrja e palëve në dialog. Ndaj Presidenti nuk ka ç’pret më! Duhet të fillojë punën për të ulur palët në tryezë dialogu,” thekson Ylli Manjani përmes rrjetit social Facebook.

Ndryshe, pas provokimeve të policisë së Ish-Gjeneral Sandër Lleshajt dhe momenteve të tensionit që u krijuan para Parlamentit të Shqipërisë, filloi rrebeshi i bombave serbe të gazitlotsjellës mbi protestuesit ndërkohë pedonalja u mbushë nga autoblindat që ishin në drejtim të protestuesve. Në këtë situatë, Presidenti Ilir Meta duke akuzuar protestuesit për dhunë u kërkoi demonstrim paqësor:

“Presidenti i Republikës është duke ndjekur me shqetësim situatën. Ai bën thirrje për demonstrim paqësor dhe ruajtje të qetësisë. Ai u kërkon të gjithëve të evitojnë konfrontimet dhe të qëndrojnë larg provokimeve.”

Reagimi i Manjanit: 

Presidenti i Republikës, kryetari i shtetit dhe përfaqësuesi i unitetit të popullit, padyshim që ka një rol për të luajtur.

Nuk mund të bëjë sikur nuk sheh e nuk dëgjon. Qoftë edhe në emër të paanësisë apo mbipalësisë politike.

Vendi është në krizë e cila mund të çojë në përplasje. Detyra e çdo Presidenti në këto kushte është thirrja e palëve në dialog. Ndaj Presidenti nuk ka ç’pret më! Duhet të fillojë punën për të ulur palët në tryezë dialogu.