Edi Rama tungjatjeta!
“Mirëmëngjes dhe me tryezën e Samitit të parë të Procesit të Berlinit jashtë kufijve të BE-së, në Piramidën e Diktatorit në Tiranë, ku do të ulen armiqtë e tij të betuar…” e fillon kështu ditën dishepulli i diktatorit Enver Hoxha, Edi Rama, i kënaqur që pikërisht në ditëlindjen e këtij krimineli, sot ia arriti të jetë organizator i një samiti europian në Tiranë ndonëse i mungojnë dy protagonistët kryesor që mund ti shiste këyë të hënë në rrëfimin e tij për stabilitetin e Ballkanit: Emmanuel Macron dhe Aleksandar Vuçiç!
Pas sulmit terrorist serb të 24 shtatorit në veri të Kosovës, Kryeministri Edi Rama u mundua ta shpëlaj mikun e tij nga Ballkani i Hapur, Presidentin e Serbisë, Aleksandar Vuçiç, por nuk e bëri dot, dhe duke sforcuar liderët kosovarë me propozimin franko-gjerman dhe krijimin e Asociacionit ndonëse Serbia kishte bërë një agresion të tmerrshëm ndaj Kosovës, sot kishte paralajmëruar dhe një takim në mes të liderëve të Serbisë dhe Kosovës.
Mungesa e paralajmëruar së fundi e Presidentit të Francës, Emmanuel Macron, në samitin e sotëm në Tiranë hodhi poshtë planin djallëzues të Edi Ramës për një takim historik që do të shkonte drejt realizimit të planit franko-gjerman për zgjidhjen e çështjes së Kosovës, meqë takimi u braktis nga Presidenti i Serbisë, Aleksandar Vuçiç!
Ndonëse Samiti i Procesit të Berlinit për herë të parë bëhet jashtë BE-së dhe Presidentja e Komisionit Europian, Ursula von der Leyen, dje në Tiranë u mundua ti jap dhe peshë duke folur për 30 miliardë euro investime për Ballkanin Perëndimor, Aleksandar Vuçiç, ishte sforcuar shumë me lidhjet e tij moskovite për të gjetur një arsye që të mos i jap shkas sot Presidentit Macron për t’ia hedhur në surrat planin e vetëm që mund ta zbatojë për Kosovën; Sajoi vizitën në Kinë dhe në samitin e Edi Ramës dërgoi Kryeministren Ana Brnabiç, që në Serbi nuk e pyet njeri, madje as gruaja e saj që ka në shtëpi!
Kështu, sot Samiti i Procesit të Berlinit nuk ka kurrfarë vlere për shqiptarët pavarësisht se çfarë trumbetojnë Presidentja e KE dhe Kryeministri i Shqipërisë, kur Kosova as nuk do të marrë një sinjal për heqjen e sanksioneve pasi rezultoi se veprimi i saj ishte i duhur, dhe as nuk do të dënohet sulmi terrorist i 24 shtatorit dhe Serbia si organizatore!
Kjo u konfirmua nga sjellja e djeshme e Ursula Von der Leyen dhe Edi Ramës ndërsa pyeteshin për sulmin terrorist serb të 24 shtatorit në Banjskë të Kosovës, ata flisnin për sulmin terrorist të Hamasit në Izrael ndonëse ky Samit i kushtohet Ballkanit Perëndimor, duke e relativizuar si agresionin në veri të Kosovës ashtu dhe sjelljen kriminale të shtetit serb, që edhe sot vazhdon ti quaj heronjë ata që vranë policin kosovar Afrim Bunjaku ndërsa ata që u vranë në përleshje me Policinë e Kosovës si martirë dhe heronjë!
Ndërkohë Kryeministri i Kosovës, Albin Kurti edhe në tryezën e sotme me liderët e Procesit të Berlinit do të ulet si i ndëshkuar ndonëse vendimi i tij për të dërguar forcat policore në veri pasi ishte vlerësuar se ekziton rreziku serioz serb i kushtoi Kosovës me sanksione nga BE; Dhe, ato nuk u pezulluan edhe kur rezultoi më 24 shtator se autoritetet kosovare kishin të drejtë, dhe ishin këto forca të Policisë së Kosovës që parandaluan fillimin e një konflikti serbo-shqiptar që do të përhapej lehtësisht edhe në gjithë Ballkanin!
Dhe jo vetëm kaq!
Sot në Samitin e Procesit të Berlinit në Tiranë rezulton se Bashkimi Evropian ka dështuar me Serbinë jo vetëm në raport me Kosovën, pavarësisht se çfarë thotë Edi Rama!
Kur Bashkimi Evropian e fton Serbinë në Samit ku do të flitet edhe për ndarjen e 30 miliardë eurove, Presidenti i Serbisë, Aleksandar Vuçiç , e refuzon ftesën dhe shkon në Pekin!
Brukseli zyrtar dhe Edi Rama, për të kuptuar se sa të dështuar janë dhe çfarë krimineli serb është Aleksandar Vuçiç ju konfirmon edhe historia e Beogradit zyrtar, për të cilën ditë më parë Kryeministri i Shqipërisë mburrej se e njeh mirë, në veçanti atë epokën jugosllave me Josip Broz Titon!
Sot Aleksandar Vuçiç nuk e begenis Samitin e Procesit të Berlinit dhe shkon në Kinë, 60 vjet më parë, më 16 tetor 1963, Josip Broz Tito shkoi në vizitë zyrtare në SHBA, me ftesë të Presidentit të SHBA, John F. Kennedy!
Pse ndodhë kjo?! Brukseli zyrtar nuk duhet të pyes Edi Ramën me batonët dhe buzhalët e tij që deri më sot fajësuan Albin Kurtin! Jo vetëm në raport me Kosovën por gjithë Ballkanin, për të cilin dhe u shpik Procesi i Berlinit, problem ishte dhe ngeli Serbia!
Pse nuk e kupton Brukseli zyrtar, edhe për këtë paaftësi ekziton fajtori, dhe për kaq gjë nuk kanë pse pyesin Borrellin dhe Lajçakun; Deri sa Parlamenti Evropian ju flet në çdo seancë plenare se kush është Serbia dhe së fundi kërkojnë përmes një Rezolute ndëshkimin e Beogradit zyrtar për politikën e saj kriminale e ekzekutivi evropian nuk do t’ja dijë, fajtorin mund ta gjejnë në pasqyrë!
Në fund, sot, meqë Samiti i Edi Ramës po zhvillohet në fjetoren komuniste të heroit të Kryeministrit aktual të Shqipërisë, Enver Hoxha, Ursula dhe Shcolz, mund t’ja japin edhe këngës pasi takimi të ngjyroset edhe me folklor shqiptar.
Cilën këngë?! Në piramidën e diktatorit Enver Hoxha nuk ka hamendësime, vetëm se dishpeulli duhet të zëjë vend në këtë këngë ceremoniale:
Edi Rama heu Tungjatjeta!
Sa kto male e sa kto shkrepa
Zanin e zi të Shqipes o lart e ngrite
Gjithë kët popull në terr e qite!
