Eksporti i armëve, Gjermania afër rekordit të ri

Gjermania mund të shënoj rekord të ri në eksportin e armëve, raporton Agjencia e lajmeve DPA, duke ju referuar burimeve në qeveri.

“Deri në fund të muajit shtator, qeveria gjermane ka miratuar eksportin e armëve me vlerë 6.35 miliardë euro, që është 75 për qind më shumë se në të njëjtën periudhë të vitit të kaluar,” thuhet në përgjigjen e qeverisë drejtuar deputetit të  gjelbërve në Bundestag thekson DPA.

Rekord i ri?

Në këtë mënyrë, këtë vit mund të rrëzohet rekordi i vitit 2015, kur Gjermania eksportoi armë në vlerë 7.86 miliardë euro.

Ministri i Ekonomisë, Peter Altmaier, këtë rritje e arsyetoi me faktin se vitin e kaluar shumë vendime mbi eksportin e armëve në disa vende, për shkak të kontestit rreth kësaj çështje brenda koalicionit qeverisës CDU-SDP, ngelën të ngrira.

Në veçanti fjala ishte për eksportin e armëve në Arabi Saudite dhe Emiratet e Bashkuara Arabe, të cilat, për shkak të implikimit në luftën e Jemenit, janë në listën e vendeve ku eksporti i armëve është i kontestuar.

Kështu, Hungaria renditet si vendi i parë me sasinë e armëve të blera në 9 muajt e parë nga Gjermania, dhe kap vlerën 1.77 miliardë euro. Në listën e vendeve që blejnë më së shumti armë nga Gjermani janë dhe Egjipti e Algjeria.