Ekspozitë në Kampin e Tepelenës, Yuri Kim: Të përballemi me të shkuarën

Ambasadorja e SHBA në Tiranë, Yuri Kim, sot me rastin e përurimit të ekspozitës së përhershme informuese nga Autoriteti për Informim mbi Dosjet e Sigurimit të Shtetit në Ish-Kampin e internimit në Tepelenë, që hedh dritë mbi jetën e më se 3 mijë të dënuarve politikë që u lanë në kushte ekstreme në vitet 1949-1953, bëri thirrje për kërkimin e të zhdukurve dhe respektimin e familjarëve.

“Të gjitha ato që kanë mbetur këtu nga ai kamp internimi, përqendrimi që ka qenë këtu më herët. Ndonjëherë përqendrohemi tek numrat dhe harrojmë qeniet njerëzore pas tyre. Por numri i vërtetë që më prek është numri i fëmijëve, të cilët kanë humbur jetën këtu brenda pak muajve. Pjesë e psikologjisë njerëzore, e drejtësisë, por edhe e ligjit, është e rëndësishme të përballemi me të shkuarën dhe t’i shikojmë këto fakte,” tha Ambasadorja e SHBA, Yuri Kim, në njërin prej kampeve më famëkeqe me shumë fëmijë e të moshuar që vdiqën dhe iu humbën trupat e pajetë, ku mesazhet janë të qarta ndërkohë debati për ngjarjet kriminale të komunistëve në këtë kamp vazhdon

Për kushtet e jetesës dhe keqtrajtimin në këtë kamp është fol pas viteve ’90 ndërsa dëshmitë e atyre që vuajtën në këtë kamp flasin për qindra fëmijë të vdekur vetëm nga kequshqyerja.