Enver Hoxha refuzoi Konferencën e Bujanit, Edi Rama propozon Asociacionin për Serbinë
Duke dënuar qëndrimin e Qeverisë së Kosovës për tensionet në Veri, sot Kryeministri Edi Rama theu heshtjen duke sjellë një Draft për Asociacionin e komunave me shumicë serbe, siç e pranoi, pa ja kërkuar njeri ndonëse i mirëinformuar se shqiptarët e Kosovës e refuzojnë atë!
Kosova, tha Edi Rama, po dënohet ndërkombëtarisht për qëndrimet ndërsa Serbia po bën atë që ka bërë gjithmonë, e ky supermeni i Ballkanit që “e hapi”, gjithashtu pa ja kërkuar njeri, tha se dje i ka dorëzuar Draftin Presidentit Macron dhe Kancelarit Scholz, i cili na qënka përgatitur nga ekspertë të pavarur amerikanë dhe europianë.
“Situata në Veri të Kosovës po merr për fat të keq përmasat e një tragjedie politike për republikën e Kosovës. Deklaratat e aleatëve tanë strategjikë lidhur me këtë situatë, janë gjithnjë e më alarmante. Është e pakuptueshme arsyeja e ngurrimit të autoritetet e Kosovës për deeskalimin e një situate që dukshëm çdo ditë dhe çdo orë e humbura e madhe është Kosova.
Serbia po bën atë që ka bërë dhe herë të tjera, ndërsa Kosova po bën diçka që nuk e ka bërë kurrë më parë. Dhe po fajësohet botërisht nga të gjitha aleatët strategjik të kombit shqiptar. Në kushtet kur marrëdhëniet e aleatëve me Kosovën po marrim tone alternative dhe po rrezikon të marrë kohë më të gjatë, nëse Kosova dhe uroj dhe lutem që të mos ndodhë do të sanksionohet për qëndrimin e saj, unë jam këtu për të ndarë një fakt të panjohur deri më sot,” tha Edi Rama duke i ngatërruar dukshëm pozicionin AlbinKurtit nodnëse tha se Asosacioni është çelësi i njohjes në OKB
“E kam ditur me kohë që nyja Gordiane e dialogut do të ishte Asosacioni i komunave me shumicë serbe dhe bindja ime është se asnjëherë nga palët se do Asosacionin dhe do të bëjë çmos që ta shtyjë atë duke të mbajtur hapur krizën me lloj-lloj artifice. Besoj çdo ditë e më shumë se krijimi i Asosacionit është çelësi për të hapur përfundimisht derën e afirmimit ndërkombëtar të Kosovës, e njohjes së saj në Kombet e Bashkuara dhe forumet ndërkombëtare.
Dje i kam përcjellë Macron dhe Scholz, një draft të asosacionit për të cilin kam vënë në dijeni Këshillin dhe palën amerikane. Është draft i punuar nga ekspertë të nivelit të lartë amerikan prej kohësh. Kjo është bërë në rast se do të vinte kjo ditë. Kjo ditë kur palët, në këtë rast i pakuptueshëm është pozicioni i Kosovës dhe jo i Serbisë, pasi palët nuk po merren më vesh se kush duhet ta shkruaj këtë tekst, dhe jo më të merren se ça duhet të ketë teksti.”
Ndryshe, ky Draft i Asociacionit të komunave me shumicë serbe i cili vjen nga Kryeministri i Shqipërisë, Edi Rama,i pakonsultuar me Kryeministrin e Kosovës, Albin Kurtin, nuk është vetëm një hall shtesë për Kurtin dhe Kosovën, por një histori e përsëritur frikshëm në kurriz të shqiptarëve të Kosovës!
Kur Beogradi zyrtar deshti të bëjë nul vendimet e Konferencës së Bujanit e cila i jepte të drejtën popullit të Kosovës të drejtën për vetëvendosje me përfundimin e luftës së dytë botërore, ato u anuluan me vendim të Enver Hoxhës!
Sot, kur Beogradit i duhet sërish shërbimi i Tiranës zyrtare për të themeluar Asociacionin e komunave me shumicë serbe, të cilën Qeveria dhe Kosova e kundërshton, ajo përdor Enver Hoxhën e sotëm i cili pas dështimit të shkëmbimit të territoreve me Serbinë sot po e çon Kosovën drejt ndarjes përfundimtare me veriun!
