Drafti i Ramës për Asociacionin, Berisha: Akt i shëmtuar, teksti është shkruar në Beograd!
Pasi Kryeministri Edi Rama bëri të ditur se ka hartuar një Draft për Asociacionin e komunave me shumicë serbe në Kosovë dhe i ka dorëzuar Presidentit Macron dhe Kancelarit Scholz, ka reaguar Kryetari i Partisë Demokratike, Sali Berisha, duke e cilësuar Akt të turpshëm dhe ndërhyrje flagrante në punët e brendshme të Kosovës ndërsa për tekstin e Draftit siguroi se ishte shkruar në Beograd!
“Maskat ranë! Argati i Vuçiçit në detyrim ekstrem shpalosi veten si një vasal i shpifur i doktrinarit dhe një prej autorëve të gjenocidit serb në Bosnjë dhe Kosovë! Sot Rama në detyrim, doli dhe informoi shqiptarët se ka hartuar dhe dorëzuar tekstin e Asociacionit së komunave me shumicë serbe. Teksti është shkruar në Beograd dhe më pas rishkruar në Tiranë. Ky akt përbën ndërhyrje flagrante në punët e brendshme të Kosovës, në emër të Beogradit, akt më i shëmtuari në historinë e marrëdhënieve të dy vende, që nxit dhe nuk qetëson konfliktin. Akt me të cilin Rama tenton të zgjidhe problemin ne tij me McGonigal.
S’do të dilja për këtë problem, por kur pash vasalin e Vuçiçit në këtë histeri kundër shqiptarëve, ndaj dola. Gjykoj se është në detyrën e çdo qeveritari që realitetit t’i marrë parasysh. në rast se zgjedhjet u bënë dhe ato prodhuan një produkt të votuar nga vetëm 3 ose 5% e popullatës të etnisë jo serbe, vetëkuptohet se ky nuk mund të pranohet si një produkt i suksesshëm. Ky është një dështim.”
Në fund, Kryetari i Partisë Demokratike, Sali Berisha, e bëri të qartë se ky Asociacion duhet të respektoj Kushtetutën e Kosovës, dhe çdo hap tjetër është rrezik madhor për paqen dhe stabilitetin në Ballkan.
“Këto hapa gjykoj se janë përcaktuar drejtë dhe nga autoritetet e Kosovës dhe ato ndërkombëtare, që kërkojnë kushte të reja. Në zonat e nxehta duhet të koordinohet me trupat ndërkombëtare. Sa i përket asociacionit, do ta mbështes si një të drejtë themelore dhe derviat të lirisë. Asociacioni nuk mund të jetë kurrë jashtë prerogativave kushtetuese të Republikës së Kosovës. Çdo hap tjetër, është rrezik madhor për paqen dhe stabilitetin në gadishullin e Ballkanit.”
Ndryshe, pas heshtjes dhjetë ditore me shpërthimin e dhunës në veri të Kosovës dhe presioneve të mëdha nga Vuçiçi, ndërkombëtarët dhe opozita kosovare ndaj Kryeministrit Albin Kurti, dhe ku vetëm Presidentja Vjosa Osmani, Kryeministri Kurti dhe opozita serbe, akuzonte Presidentin e Serbisë për destabilizimin e rajonit, shfaqet Kryeministri Edi Rama me lajmin se ka hartuar një Draft për për Asociacionin e komunave me shumicë serbe në Kosovë, dhe i ka dorëzuar Presidentit të Francës, Emmanuel Macron dhe Kancelarit të Gjermanisë, Olaf Scholz, pasi ishte shumë shqetësuar aq shumë për fatin e Kosovës!
Se sa shqetësohet Edi Rama për Kosovën, shqiptarët kishin rastin ta shohin muaj më parë kur Kryeministri Rama loboi për shkëmbimin e këtij veriu që sot tensionohet nga Vuçiçi, me disa fshatëra të Luginës së Preshevës!
