Enver Hoxha uron Lulzim Bashën!
Diktatori Enver Hoxha merr nga ferri në celular kryetarin në anangj të PD
Enver Hoxha: Përshëndetje! U zgjove mo…
Lulzim Basha: Mirë mëngjes, shoku Misha si je…
Enver Hoxha: Ah mor eflatun, i kam thënë me kohë Mehmetit se dhëndri juaj nuk është humbameno, por këta pas vajzave të tyre do ilimaksen. Enver Hoxha, Enver Hoxha jam, i mora Gramozit numrin të të bëjë një tel!
Lulzim Basha: O më fal shoku Enver, nga zëri nuk ju njoha. Si jeni me shëndet?
Enver Hoxha: Hiç, ja po kselhasem, isha në kafe me Mehmetin. Takova dje Dr.Cohenin dhe i mora numrin e telefonit, por nga kafja ku u takuam gjeram në shpi e harrova numrin. Pash tani Mehmetin dhe më tha se e ka humbur numrin tënd dhe e thirrëm Gramozin, i morëm numrin tënd dhe ja u puqëm edhe përmes telit.
Lulzim Basha: Ç’ne Dr.Cohen në ferr?!
Enver Hoxha: E mor bir, po u mplekse njëherë me George Soros, ferrin e ke të garantuar. Po nejse, e para të mora për të uruar Vitin e Ri dhe pasi dëgjova se ke degdisur…
Lulzim Basha, me padurim: Saliun…
Enver Hoxha: Jo mo Saliun, Saliut ti i ha munë, por pronarët që ne u morëm pasuritë dhe ata nuk zënë mend, dhe të përndjekurit politik, që na shpëtuan ca! Sa më pëlqeu ajo gjetja me atë vajzën e Godolëve. Po ti ketë ngjarë pak babait, do prodhojë të përndjekur politik edhe në regjimin që ju e quani pluralist.
Lulzim Basha: Më fal shoku Enver, ajo është vajzë shumë e mirë, është shkolluar në Gjermani…
Enver Hoxha: Pse rri si i haraksur me atë Gjermani, po i dinë partia këto gjëra! Nuk lexon ti çka bëhet nga Konrad Adenauer Stiftung, edhe Delikatja më ka rrëfyer për vitin e suksesshëm 1997, shkrimet e zjarrta që Jonila Godole bënte te Koha Jonë…
Lulzim Basha: Më fal shoku Enver, po kush është Delikatja?!
Enver Hoxha: Thuaj shokut Misho, le të pyes Çalamanin, hahaha… Po ajo mo, kur shtiresh si demokrat dhe i thua Vejusha e Zezë. O lider me bujumbu, duhet ti dish të gjitha dhe jo të bëjë thjam i biri i Kristaqit!
Atë Jonilën që thua ti, nuk e kam njohur se është e re, por i ati i ka dhënë provat e partisë si me terrorin ndaj çamëve ashtu dhe qetësinë e grekëve. Po lëri ato… po them emërim i qëlluar, ja lexo dje se ç’ndodhi me atë aktivitetin e Konradit të Gjermanisë që thua ti, normalisht që bija jonë do ta ketë nën kontroll, pavarësisht se çfarë llomotisin ata…
Lulzim Basha: Nuk po kuptoj shoku Enver?
Enver Hoxha: Shiko mirë, kanë zënë muret sfarangonje.
Lulzim Basha: Urdhëro???
Enver Hoxha: Jo, jo, po i them Rita Markos, u detyrova ta thërras të më fshijë shtëpinë pasi Lenka si e vetmja grua që kemi këtu ishte ftohur.
Lulzim Basha: Aha…
Enver Hoxha: Po këtë Bardhin, aman ku ma gjete, ashqimo por eflatun! Me parametra, siç e do partia…
Lulzim Basha: Jo, jo, shumë i mirë është, më zgjon herët, bënë kafenë e mirë, kur vijnë dhe miqtë e mi nuk përton fare. Bacet kundër Saliut dhe sejmenëve të tij i ka me qillo, më shpëtoi…
Enver Hoxha: Edhe atë Salianjin e ke të saktë, e ka gjë nën kontroll atë lenkën e tij?
Lulzim Basha: Mirë, mirë është. S’është si Lenka që fshinë merimangat por..
Enver Hoxha: Cimbidh i mirë më duket, të tillë e kisha Liberalin…
Lulzim Basha: Po këtu s’ka çfarë të trazoj se zjarri ka marrë dhen, por më duhet dhe për akuza se nga këta që më kanë mbetur as nuk ia kanë idenë se çfarë është Partia Demokratike, ’97-ta, 21 Janari, të gjitha ia faturova Saliut dhe këta më duartrokasin si idiotë; Ata pak studentë dhjetori’90 që kanë ngelur, dhe ca të përndjekur politik, që më nuk dihet se çfarë janë, vetëm e di se kanë qenë në internim…
Enver Hoxha: Hahaha ç’më kënaqe, kështu siç e ke ti Kryesinë e PD-së, unë kisha Byronë Politike, andireps dhe me brashnja!
Lulzim Basha: Mirë me këpucë të grisura por “andireps”, ç’është kjo…
Enver Hoxha: Nuk e ditke, po pse e mbanë afër atë Bejkon, apo vetëm për të shajtur Saliun, u më fal se harrova, është dhe frankofon. Shumë perla ke me te, frankofon që promovon amerikanizmin… hohoho…
Lulzim Basha: Është pedagog!
Enver Hoxha: Pedagog se s’bënë! Po e takove një herë Çilin pedagog do të bëjë, jo hidraulik se ka përgjegjësi në këtë vend!
Lulzim Basha: Kam dhe ca pedagogë të tjerë…
Enver Hoxha: Nejse, ata janë parë si në martalloz, kisha dhe unë të tillë!
Lulzim Basha: Ç’është kjo martalloz!
Enver Hoxha: O shoku me bujumbu, mos më fol anasolla tani, nuk të flet ai pedagogu i Parisit asgjë për Gjirokastrën. Para ’67-së ashtu si edhe sot, në çdo xhami ne kishim njerëz, dhe mbanim nën kontroll xhematin e saj, ose siç thotë ai islamiku që të mbron, grigjën.
Lulzim Basha: O shoku Enver, prit mo se nuk të kuptoj asgjë! Martalloz, islamiku që më mbron, grigja…
Enver Hoxha: Dhe, kështu ne besimtarët tanë pedagog të nderuar i quam në xhami si në martalloz, ata bënë një punë të mirë me xhematin dhe partia pastaj nuk e kishte të vështirë më 1967, ti rrënoj xhamiat.
Lulzim Basha: Po ata ku vajtën?
Enver Hoxha: Ata vajtën shul e erdhën lloz!
Po, dhe ai islamiku, Redi, mos të ngelem borxh! Më tha Çiftelia një ditë se ai është kot, s’ka lidhje me fenë, sa një ditë te Fevzoja kishte folur për grigjën tënde, të PD-së, pra! Hahaha islamik që flet për grigjën…kësi bidate nuk nxirrte nga goja as Hysni Kapo!
Lulzim Basha: Mirë o shoku Enver, po iku tani se më thërret Yuri…
Enver Hoxha: Ik, ik o zabërhan dhe shyqyr që e paske mbushur selinë me rus!
Lulzim Basha: Si me rus, është Ambasadorja amerikane Yuri Kim!
Enver Hoxha: Aaa unë mendova mos ke marrë ndonjë kushërirë të Yuri Gagarinit meqë ky biri i Kristaqit do çoj raketa tani në hapësirë!
Lulzim Basha: Po lëre atë shoku Enver, se ai është i çmendur…
Enver Hoxha: Po, po, aq i çmendur sa tri mandate i fitoi me ndihmën tënde, por pak rëndësi ka kjo. Ti shiko punën tënde, siç bëre me PD-në bëjë dhe me të përndjekurit politikë dhe pronarët, që mos ti merr kush në gojë më, dhe të mos ketë foltore që mund ti ringjallë, sa të jetë jeta.
Lulzim Basha: Dhe Jonila Godole…
Enver Hoxha: E lum si ti që e ke…
Lulzim Basha: Besoj shaka ishte kjo!
Enver Hoxha: Shaka, shaka, por të gjithë sot e pranojnë se sot je kryetar i një foleje spiunësh dhe jo të përndjekurish politik.
Lulzim Basha: E rëndësishme është që Grida dhe Kunati të mos mërziten si tek çadra më 2017, si do e quajnë pak rëndësi ka.
Enver Hoxha: O ç’më kselhase. Urime dhe gëzuar, mi bëjë të fala të gjithë atyre që të kanë mbetur në Kryesi dhe Këshillin Kombëtar dhe falemnderit që mbështete Ballkanin e Hapur dhe dole kundër kosovarëve për atë protestën në Bulverad! Se harrova, edhe Titua dhe Millosheviçin të bëjnë të fala, shumë u lumturuan që degjenerove kosovarët në atë farë feje. Të lumtë!
Lulzim Basha: Pa merak, vetëm Saliu të digjet. Gëzuar dhe të fala Mishos!
Enver Hoxha: Lul, ike…
Lulzim Basha: Jo shoku Enver!
Enver Hoxha: Se harrova, nëse ke problem me Saliun më 8 Janar, thirre Gramozin, ai do të ndihmojë si gjithmonë. Nëse jo, tani numrin e ke, thirrë pa merak.
Në sfond, hello Lllull, Lulzim Basha: Shoku Enver edhe një herë, Gëzuar!
P.S. Të gjithë personazheve që rastësisht përkojnë me realitetin e kësaj satire nuk u kërkojmë falje, vetëm u themi se nuk kishim ndonjë qëllim të caktuar. Nëse nuk kanë mirëkuptim, mund ta marrin në celular Enver Hoxhën meqë e kanë numrin, dhe të presim abansez të papriturën e radhës nga Sigurimi i Shtetit meqë Edi Rama nuk ka se çfarë na bënë më shumë, se sa na ka bërë. Ngelëm duke riparuar faqen e bombarduar nga hackerët në shërbim të partisë…
Në fund, të gjithë miqve të Pafrikë.al ju urojmë një vit të ri të bardhë siç e keni zemrën! Armiqt nu kanë pse mërziten me NE, i kanë mbi 800 portale në shërbim të partisë.
GËZUAR!
