Epoka e paqes ka përfunduar, Admirali i NATO-s: Në çdo moment mund të shpërthej lufta!

Kryesuesi i komitetit ushtarak të NATO-s, Rob Bauer, i ka bërë thirrje sektorit privat në Perëndim që të përgatitet për një periudhë ku gjithçka mund të ndodhë në çdo moment, duke përfshirë dhe luftën.

“Na duhet transformimi luftarak i NATO-s,” tha admirali holandez sot në Bruxelles, në hapjen e takimit dyditor të Ministratve të Mbrojtjes të shteteve anëtare të NATO-s.

Admirali Bauer tha se qeveritë dhe kompanitë nga kjo Aleancë kanë jetuar më parë në një kohë kur gjithçka kishte me bollëk, gjithçka mund të parashikohej dhe mund të kontrollohej. Që nga pushtimi rus i vitit 2022, anëtaret e NATO-s duhet të përshtaten në “epokën që gjithçka mund të ndodhë në çdo moment, epokë ku duhet të presim të papriturën, epokë në të cilën duhet të përqendrohemi në efikasitet në mënyrë që të jemi efikas,” tha Bauer. 

Admirali Rob Bauer foli në kohën kur ndihmat ushtarake për Ukrainën nga SHBA dhe Bashkimi Europian po bllokohen ose ngadalësohen nga kontestimet politike. Me këtë rast ai premtoi se ndihma e NATO-s për Ukrainën do të vazhdoj. 

“Ukraina do ta ketë mbështetjen tonë gjatë çdo dite të ardhshme, sepse rezultatet e kësaj lufte do të vendosin për fatin e botës,” tha Kryesuesi i komitetit ushtarak të NATO-s, Rob Bauer.

Ndryshe, Presidenti i Ukrainës, Volodymyr Zelenskyy dje ka paralajmëruar Perëndimin që të mos hezitoj për të dhënë ndihmë për Kievin sepse kjo do ta zgjaste luftën për shumë vite me radhë.