Epopeja e UÇK-së, Osmani: Adem Jashari e deshi lirinë e Kosovës pa asnjë kusht!
Ushtruesja e detyrës së Presidentes së Kosovës, Vjosa Osmani tha se 23 vjet më parë, në marsin e vitit 1998, Adem Jashari përçoi mesazhin se liria nuk ka kompromis.
Në manifestimin qendror, Parada e FSK-së, për nder të 23-vjetorit të Epopesë së Ushtrisë Çlirimtare të Kosovës, Presidentja e Kosovës theksoi se brezat e ardhshëm do të jetojnë me shëmbëlltyrën e Adem Jasharit, duke shtuar se synim mbetet anëtarësimi në NATO.
“Në këtë betejë mbijetoi Besarta si një ogur se pas gjithë këtyre rënieve jeta në familjen Jashari vazhdon.
Adem Jashari e deshi lirinë e vendit pa asnjë kusht. E kemi dhënë çka do të ndodhë. tanë së bashku do të japim jetën ishte ndër xhirimet e pakta e ikonës së luftës.
Në 23-vjetorin e epopesë brezat e ardhshëm do të jetojnë me shëmbëlltyrën e Adem Jasharit,” tha Presidenja e Kosovës, Vjosa Osmani duke përfunduar:
“Familja Jashari luftoi për mbrojtur Prekazin dhe gjithë Kosovën. Ata dëshmuan se popujt si ky i yni mund të sjellin heronj të mëdhenj. Anëtarësimi në NATO mbetet objektiv strategjik për vendin tonë.”
Bekim Jashari: Shtetin e krijuam falë atyre që nuk e kursyen jetën!
Djali i heroit Hamëz Jashari, njëherit edhe kryetari i komunës së Skenderajt, Bekim Jashari, tha ceremonisë e 23-vjetorit të Epopesë së UÇK-së, se shtetin e krijuan ata që nuk e kursyen as jetën.
Në manifestimin qendror, Parada e FSK-së, për nder të 23-vjetorit të Epopesë së Ushtrisë Çlirimtare të Kosovës, shtoi se brezat e ardhshëm e kanë obligim të punojnë për zhvillim, duke shtuar se falë punë së përbashkët Kosova tashmë e ka edhe ushtrinë.
“Sot falënderojmë NATO-n dhe shtete mike. Mirënjohje për diasporën për kontributin në luftën tonë.
Shtetin që e krijuam falë atyre që nuk e kursyen jetën e kemi amanet ta zhvillojmë. Në rrugën tonë duhet të jemi të bashkuar. Sot 24 vite pas, falë punës së përbashkët kemi ushtrinë tonë”.
Ndërkohë në 23-vjetorin e Epopesë së Ushtrisë Çlirimtare të Kosovës, qytetarë të shumtë po bëjnë homazhe në Kompleksin Memorial në Prekaz në nderim të sakrificës së familjes Jashari.
Qytetari Sylë Dervishi thotë për KosovaPress, se vjen në këtë vend çdo 5 mars për të përkujtuar sakrificën e familjes Jashari, pasi me flijimin e tyre u fitua liria dhe pavarësia e Kosovës.
“Jam në Prekaz çdo përvjetor dhe çdo festë të lavdishme duke përkujtu sakrificën e familjes dhe gjithë atyre të rënëve për liri. Është një vend që shpirti të pushon pasi dihet me flijimin e tyre dhe vazhdimin e luftës së UÇK-së e fituam edhe lirinë, pavarësinë dhe sot jemi të lirë me ardh këtu”, pohon ai.
Nga Zvicra për të bërë homazhe në Prekaz ka ardhur Burim Berisha, i cili thotë se familja Jashari ka dhënë shumë për Kosovën, por shteti ka bërë pak për ata.
“Jam mërgimtar, jetoj në Zvicër dhe kemi ardh vetëm të bëjmë homazhe këtë 5 mars të Epopesë së Jasharëve….është një ditë shumë e veçantë edhe për shkak të ndjenjave se kjo ditë është kanë e vështirë në atë kohë kur Jasharët kanë luftu…këta kanë dhënë shumë për këtë vend, por është bërë shumë pak për këta. Sidomos qeveria dhe shteti”, deklaron ai.
Ndërkaq, mërgimtari tjetër, Avni Isufi i cili banon në Gjermani, por me prejardhje është nga Skenderaj, thotë se familja Jashari çdoherë duhet respektuar.
“Kam ardh me bërë homazhe Jasharëve këtu, jemi edhe afër. Kusherinjë të tyre…shteti duhet të bëjë më shumë të angazhohet sepse shumë njerëz e kanë humbur jetën dhe duhet më shumë me punu.”
Më 5, 6 dhe 7 mars të vitin 1998 komandanti legjendar i UÇK-së, Adem Jashari dhe familja e tij u flijuan në ballafaqim me forcat okupatore serbe.
Për nder të këtij përvjetori, Komuna e Skenderajt dhe Qeveria e Kosovës në shënimin e Epopesë së Ushtrisë Çlirimtare të Kosovës organizojnë:
