Erdhën nga mali në vitin 1944, sot luftojnë malin dhe Gjykatën Kushtetuese

Shumë pak shqiptar u çuditën kur 72 deputetë socialistë kundërshtuan mbrëmjen e së enjtes të zbatojnë vendimin e Gjykatës Kushtetuese për të çuar para drejtësisë mandatin e deputetes Olta Xhaçka për shkak të shpërdorimit të detyrës si ministre e Këshillit të Ministrave që shpalli bashkëshortin e saj Artan Gaçi investitor strategjik!

Shqiptarët ishin të qartë kur kohë më parë Kryetarja e Gjykatës Kushtetuese, Holta Zaçaj, u shpreh se kjo është e pamundur të ndodhë në një shtet demokratik, me argumentin se vendimet e Gjykatës duhet të zbatohen, vendimet nuk kanë ekuivok dhe nuk është lënë në çmim të politikës të vendosi se si dhe në ç‘mënyrë duhet të zbatojë vendimet, sepse zonja Zaçaj fliste për një shtet demokratik dhe jo shtetin e Edi Ramës.

Shqiptarët e mirëkuptuan deputeten dhe ish-minitren Olta Xhaçka për ato mashtrime që nxjerri nga goja në seancë plenare, duke pasur parasysh Nenin 72 Pika 2. të Kushtetutës, i cili thotë se “deputeti nuk mban përgjegjësi për mendimet e shprehura në Kuvend dhe votat e dhëna prej tij në ushtrim të funksionit”, duke pretenduar se kishte të drejtë të artikulonte të drejtën e saj para se çështja ti nënshtrohet votimit!

Por, pas votimit socialist në Parlament për të kundërshtuar dërgimin në Gjykatën Kushtetuese të çështjes së papajtueshmërisë së mandatit të deputetes dhe ish ministres së Jashtme, Olta Xhaçka, të gjithë ata që nuk e kuptuan arsyetimin e paarsyeshëm të kësaj mazhorance kriminale që bëri nul vendimin e Gjykatës Kushtetuese, kishin rastin ta dëgjojnë rilindasen komuniste Olta Xhaçka në televizionin e partisë, TCH, se ku flenë lepuri i kësaj maskarade, normalisht, i kuq!

Duke qenë e qartë se auidiuenca e saj është ajo e kuqja, Olta Xhaçka nuk u mundua të sqaroj detajet se kush dhe pse duhet ta dërgoj çështjen për shqyrtim në Gjykatën Kushtetuese, siç ishte shprehur kjo Gjykatë në vendim, në mënyrë që aspektet e pretenduara si papajtueshmëri të mandatit të deputetes Olta Xhaçka, t’i nënshtroheshin vlerësimit kushtetues, ndërsa për akuzën e falsikfikimit dhe përvetësimit të mbi 10 mijë metrave katrorë ngatërroi paksa artikulimin politik të partisë që përfaqëson me kohën e fushatës ku shahet Saliu me malokët e tij, duke theksuar se “plazhin para hotelit me pesë yje e kemi marrë me qira për të mos zbritur njerëzit nga mali që të bezdisin turistët elitarë”!

Shumë prej shqiptarëve u irrituan, por, sot, kur çifti i investitorëve strategjik po reflekton se çfarë ka broçkullisë gjatë gjithë kësaj kohe për të mbrojtur të pambrojturën, përveç Kushtetutës e cila sqaron gjithçka, është dhe historia e këtij vendi që na sqaron se kush janë elitar në këtë vend të shkatërruar nga të parët e Xhaçkës që në vitin 1944, kur erdhën ca njerëz nga mali, plaçkitën elitën shqiptare, i degdisën në burgje dhe kështu menduan se krijohen dhe parakushtet për tu konsideruar elitë; Duke shpërfillur pasurinë që nuk e kishin por e plaçkitën, edukatën që nuk e kishin dhe nuk e kanë, dhe vesin më të keq që nuk hiqet me para: Dëshira për të vrarë atë që mendon ndryshe!

Olta Xhaçka dhe e drejta e saj!

Ndoshta është e tepërt ti thuhet Olta Xhaçkës se Neni 68 Pika 1. e Kushtetutës e thotë qartë se “kandidatët për deputetë paraqiten në nivel zone zgjedhore nga partitë politike, koalicionet zgjedhore të partive politike, si dhe nga zgjedhësit” dhe nuk paraqiten në nivel mali ose elite, por nuk është e tepërt ti thuhet ish-ministres se investitori strategjik për të cilin ajo flet dhe është bashkëshorti i saj, plazhin e ka marrë me qira pasi ka përvetësuar me falsifikim dokumentash mbi 10 metra tokë , ashtu siç ka bërë për të fituar statusin e investitorit strategjik.

Dhe jo vetëm kaq! Bashkëshorti i saj, Artan Gaçi, ka mashtruar qeverinë gjatë aplikimit për investitor strategjik, duke paraqitur si kompani prestigjoze amerikane një firmë të të dashurës 31-vjeçare të vëllait të Olta Xhaçkës, pra, të kunatit.

Më 2 mars, Këshilli i Ministrave shpalli vendimin për dhënien në përdorim të një zone bregdetare në Dhërmi për një periudhë 30-vjeçare në favor të kompanisë ‘AGTCC Hotel Management’, pasi kjo e fundit mori statusin e investitorit strategjik nga Komiteti i Investimeve Strategjike, i cili udhëhiqet nga kryeministri Edi Rama.

Sipas të dhënave të publikuara në Qendrën Kombëtare të Biznesit, kompania ‘AGTCC Hotel Management’ është në pronësi të Tawni Lin Grzych-Sutton, një 31-vjeçare e lindur në Masaçusets të Shteteve të Bashkuara dhe banore e rezidencës “Kodra e Diellit” në Tiranë. Sutton është gjithashtu partnerja prej shumë vitesh e Andi Xhaçkës – vëllai i ministres për Evropën dhe Punët e Jashtme, Olta Xhaçka, raporton BIRN.

Kompania e Sutton e fitoi të drejtën e përdorimit të tokës në bregdet nëpërmjet një marrëveshje me kompaninë  AG.TCC Sh.p.k – në pronësi 100% të Artan Gaçit, ish-deputet socialist dhe njëkohësisht bashkëshort i ministres Xhaçka.

Kompania e Gaçit ka marrë statusin ‘investitor strategjik’ për ndërtimin e një hoteli me pesë yje dhe me kapacitet prej 106 suitash në Dhërmi, të quajtur “Dreamades Luxury Suites”, ndërsa vendimi i Këshillit të Ministrave i hapi rrugën e përdorimit afatgjatë të brigjeve të detit dhe plazhit përballë hotelit të tij.

Bashkëshorti i Olta Xhaçkës tha më 3 mars se për të shmangur konfliktin e interesit, “kishte gjetur një kompani amerikane me përvojë për të menaxhuar investimin dhe plazhin”, por të dhënat e siguruara nga BIRN tregojnë se kërkimet e tij janë kufizuar brenda familjes.

Ligji për investimet strategjike i njeh statusin “investitor strategjik” në turizëm çdo projekti që investon më shumë se 5 milionë euro dhe punëson 80 punëtorë. Projekti “Dreamades Luxury Suites’ i kompanisë AG. TCC të Artan Gaçit e ka përfituar statusin e investitorit strategjik më 29 mars 2021, sipas vendimit të Komitetit të Investimeve Strategjike që kryesohet nga Kryeministri Edi Rama.

Më 15 korrik 2021, Komiteti i Investimeve Strategjike i kryesuar nga kryeministri Edi Rama e miratoi kërkesën dhe i njohu kompanisë së sapokrijuar nga Sutton masën mbështetëse të lejimit të përdorimit të brigjeve të detit si dhe zonën përkatëse të plazhit përballë kompleksit për një afat 30-vjeçar, atë që sot Olta Xhaçka thotë se është mollë e ndaluar për ata të malit.

Dhe, pikërisht për këtë breg deti, si dhe për lehtësi të tjera që ia njohu Komiteti i Investimeve Strategjike, si asistencë dhe procedurë të përshpejtuar për çdo akt administrativ, funksionimin e shërbimeve mbështetëse të furnizimit me ujë, lidhjen në rrjetin elektrik, kanalizimet e ujërave dhe infrastrukturë rrugore për objektin, që kushtojnë lekë për çdo shqiptarë si të malit, si elitar si atyre që partia e Xhaçkës u mori pronat dhe nuk po ju kthen, është kujdesur Kushtetuta e cila i merr mandatin e deputetit Olta Xhaçkës sikur të jetonte në një shtet normal dhe jo atë të Edi Ramës.

Kështu, Neni 70, Pika 3. thotë qartë se deputetët nuk mund të kryejnë asnjë veprimtari fitimprurëse që buron nga pasuria e shtetit ose e pushtetit vendor dhe as të fitojnë pasuri të këtyre.

Për çdo shkelje të paragrafit 3 të këtij neni, me mocion të kryetarit të Kuvendit ose të një së dhjetës së anëtarëve të tij, Kuvendi vendos për dërgimin e çështjes në Gjykatën Kushtetuese, e cila konstaton papajtueshmërinë.

Pra, votoi apo jo partia kriminale e Olta Xhaçkës, Kushtetua, të cilën e ka lexuar Kryetarja e Gjykatës Kushtetuese edhe pse e ka zgjedhur Edi Rama, thotë në Nenin 71 Pika 2. se mandati i deputetit mbaron ose është i pavlefshëm, sipas rastit, e në pikën c) sqarohet për këta pasardhës të kriminelëve të 1945, “kur vërtetohet një nga kushtet e pazgjedhshmërisë ose papajtueshmërisë të parashikuara në nenet 69, 70 paragrafët 2 dhe 3!

Pas performancës së mbrëmshme në televizionin e partisë, TCH, shumë nga anëtarët e bandës së saj kriminale mund ti kenë thënë Olta Xhaçkës “ta gëzoç”, siç bënë të parët e saj në 17 nëntorin e vitit 1944, por, dallimi ishte dhe sa shkon e bëhet edhe më i frikshëm, sot, në mal vazhdon të jetoj elita të cilën partia e Olta Xhaçkës e dalë nga mali e plaçkiti, e la pa prona ndërsa gjyqet e fituara në Gjykatën e Strasburgut i blindoi në sirtarët e këtij regjimi, siç veproi dhe me vendimin e Gjykatë Kushtetuese për mdandatin e Xhaçkës, të dalë nga Drejtësia e Re.