Fati i PD në Apel, Kaso: Gjykata të mos pranoj ankimin e një palë që nuk legjitimohet!

Pasi Kryetari i Partisë Socialiste, Edi Rama me ndihmën e Lulzim Bashës dhe Enkelejd Alibeajt kontestoi ekzistimin e Partisë Demokratike në Gjykatën e Apelit, sot pritet vendimi i kësaj gjykate për të vulosur fatin e kësaj partie që me ndihmën e bedelëve të Kryeministrit edhe konstestohet.

Me fillimin e seancës gjyqësore përfaqësuesi ligjor kishte një kërkesë:

“Gjykata të konstatojë mospranimin e ankimit, pasi gjykata është investuar nga një palë që nuk legjitimohet. Sipas nesh, vendimi gjyqësor që e ka lejuar ankuesin, është marrë në kundërshtim të ligjit,” tha Ivi Kaso.

Ndryshe, këtë seancë e bënë të paqartë edhe fakti se edhe në kohën që po zhvilloj procesi për Kuvendin e 11 Dhjetorit, po kjo palë e Lulzim Bashës kishte kontestuar procesin i cili ishte hedhur poshtë, por ai nuk u apelua.

Ja dhe vendimi i datës 4 shkurt 2022 kur Partia Demokratike e Shqipërisë e përfaqësuar nga Kryetari i PDSH, Lulzim Basha nuk u legjitimua si palë nëtë çështje dhe nuk u apelua nga kjo palë.

“Gjykata konstatoi se kërkuesi Partia Demokratike e Shqipërisë e përfaqësuar nga Kryetari i PDSH, Lulzim Basha në procesin civil Nr.1346/2021 ku si palë kërkuese në këtë proces është Komisioni i Përkohshëm i Rithemelimit të PD për pasojë nuk legjitimohet në ngritjen e kësaj kërkese për përjashtimin e gjyqtarit Agron Zhukri nga shqyrtimi i çështjes Nr.1346/2021.”