Fatmir Limaj: NISMA me listën më të mirë!

Kryetari i Nismës Socialdemokrate dhe kandidati për kryeministër i koalicionit Nisma-AKR-PD, Fatmir Limaj, në takim me kandidatët për deputetë tha se lista e kandidatëve nga Nisma Socialdemokrate është lista më e mirë që u është ofruar qytetarëve të Kosovës për t’i mbrojtur denjësisht interesat e vendit në katër vitet në vazhdim.

Fatmir Limaj tha se është i bindur që në zgjedhjet e 6 Tetorit do të arrijnë sukses të mëdha, bashkë për shtetin:

“Suksesi ynë është puna ekipore dhe objektivi ynë është t’i shërbejmë vendit.  Kandidatëve për deputetë u kërkova që në çdo cep të vendit ta shtrijnë vizionin dhe vlerat tona si grupim politik. Ta marrësh besimin e njerëzve është gjë e jashtëzakonshme. Jam i bindur që me këta kandidatë do të arrijmë suksese të mëdha në parti dhe si koalicion. Bashkë për Shtetin”, ka shkruar ai.