Fermerët gjermanë protesta në qendër të Berlinit, në Paris bllokohen rrugët
Berlini dhe Parisi sot janë bllokuar nga fermerët që protestojnë me kërkesat e tyre të qarta kundër uljes së subvencioneve përkatësisht mbrojtjes nga importi i produkteve vendore.
Më shumë se 300 fermerë gjermanë sot me traktorë janë parkuar para selive të tre partive të koalicionit qeverisëse në Berlin duke protestuar kundër planeve për uljen e subvencioneve për karburant.
“Protestat e javëve të kaluara treguan se jemi të bashkuar dhe se është arritur momenti historik i cili u shkaktua nga ‘derdhja e gotës’,” tha Kryetari i Shoqatës së Fermerëve të krahinës Brandenburg, Henrik Wendorff.
Rreth 250 traktorë ndaluan para selive partiake, tha policia berlineze, aty ku fermerët u lanë socialdemokratëve, të gjelbërve dhe liberalëve, kërkesat e tyre ku përfshihet dhe ndalimi i lëvizjeve të qeverisë së kancelarit Olafa Scholza për të anuluar tatimin për karburantin që përdoret për bujqësi.
Ndërkohë sot edhe fermerët francez kanë bllokuar akset kryesore të rrugëve që çojnë në Paris dhe lidhin me qytetin verior Lilleo, si dhe Beneluxin dhe Britaninë e Madhe, duke shkaktuar rradhë kilometrike në trafik.
Fermerët akuzojnë qeverinë se nuk bënë mjaftueshëm në mbrojtjen nga importi i lirë dhe rënien e çmimeve të prodhimit vendor të ushqimit. Ata kërkojnë lehtësira tatimore për karburant dhe mjete bujqësore ose pagesën e menjëhershme të subvencioneve të BE.
Dega e sindikatës së Parisit, FNSEA, ka vendosur 11 bllokime të rrugëve në rrugët që të çojnë në kryeqytetin francez si dhe autostradat A6, A10 dhe A13.
Nga ana tjetër, Qeveria e Francës ka bërë të ditur se sot do të publikoj masat urgjente që do të zbusnin zemërimin e fermerëve. Kjo është dhe sfida e parë e madhe e Kryeministrit të ri të Francës, Gabriel Attal, i cili ftoi ministrat për të publikuar propozimet konkrete.
Qeveria e Francës nuk ka saktësuar se cilat do jenë këto masa dhe ku do të shfaqet Kryeministri Attal.
Ndryshe nga Kryeministri Edi Rama, i cili kërcënon dhe arreston fermerët që guxojnë të protestojnë pse shkelen të drejtat e tyre.
