Fier-Mallakastër, dy automjete përplasen kokë më kokë, tre të plagosur

Në aksin Fier-Mallakastër ka ndodhur një aksident ku për pasojë kanë mbetur tre persona të palgosur. Mësohet se në aksidentin i cili ndodhi rreth orës 09:40, në vendin e quajtur “Qafa e Lalarit”, dy automjetet të tipit “Benz” janë përplasur kokë më kokë.

Paraprakisht dyshohet se shkak për aksidentin mund të ketë qenë lagështia në rrugë ku dhe vazhdojnë reshjet.

Grupi hetimor po punon për zbardhjen e rrethanave të aksidentit.

Njoftimi i Policisë

Rreth orës 09:40, në vendin e quajtur “Qafa e Lalarit”, automjeti tip “Benz” me drejtues shtetasin E. R., 45 vjeç, banues në Kuçovë, është përplasur me automjetin tip “Benz” me drejtues shtetasin K. K., 37 vjeç, banues në Patos.

Si pasojë e përplasjes janë dëmtuar dy drejtuesit e automjeteve dhe pasagjeri, shtetasi L. S., 65 vjeç, të cilët ndodhen në spital nën kujdesin e mjekëve.

Grupi hetimor po punon për zbardhjen e rrethanave të aksidentit.